Úttekt á rekstri hjúkrunarheimilis

Á fund bæjarráðs koma Árni Sverrisson, ráðgjafi hjá Nolta ehf. og gerði grein fyrir helstu niðurstöðum í greinargerð um úttekt á rekstri Ísafoldar, hjúkrunarheimilis.

Bæjarráð telur niðurstöður úttektarinnar sýna með augljósum hætti að daggjöld sem ákvörðuð eru einhliða af ríkinu nægja á engan hátt til að tryggja jafnvægi í rekstri hjúkrunarheimilisins.

Bæjarráð ítrekar fyrri samþykkt um að ríkið yfirtaki starfsemi hjúkrunarheimilisins og felur bæjarstjóra jafnframt að kanna möguleika á að þriðji aðili sem hefur reynslu á þessum vettvangi yfirtaki reksturinn.

Fylgiskjöl

• Greinagerð um úttekt á rekstri hjúkrunarheimilisins Ísafoldar árið 2016B.pdf