Vinnuumhverfi

Skólanefnd telur nauðsynlegt að þessu mikilvæga máli sé fylgt vel eftir. Kynbundið áreiti og annað ofbeldi á aldrei að líðast, verkferlar þurfa að vera skýrir, aðgengilegir og virkir.

Tekið er fyrir mál nr. 1711247 Vinnuumhverfi.
Fjölskylduráð Garðabæjar fjallar um tillögu bæjarstjórnar Garðabæjar dags. 7. des. 2017 í kjölfar #metoo byltingar. Fjölskylduráð fagnar þeirri ákvörðun bæjarstjórnar að fylgja umræðunni eftir með fræðslu fyrir starfsmenn og ungmenni í Garðabæ ásamt stuðningi við frjáls félög í sveitarfélaginu m.a.með fræðslu- og námskeiðshaldi.

Lögð fram bókun stjórnar Sambands íslenskra sveitarfélaga frá fundi 24. nóvember sl. þar sveitarfélög er hvött til að móta stefnu og viðbragðsáætlun til að bregðast við og koma i veg fyrir kynferðisofbeldi og áreiti á vinnustöðum sveitarfélaga.

Bæjarráð samþykkir að vísa bókun stjórnar Sambands ísl. sveitarfélaga til umfjöllunar í skólanefnd, fjölskylduráði, ungmennaráði og íþrótta- og tómstundaráði.

Bæjarráð samþykkir að fela bæjarstjóra að taka málefnið til umræðu á fundum með forstöðumönnum þar sem farið verður yfir stefnu Garðabæjar og viðbragðsáætlun til að bregðast við og koma i veg fyrir kynferðisofbeldi og áreiti á vinnustöðum Garðabæjar og í grunnskólum bæjarins.

Fylgiskjöl

• Bókun stjórnar Sambands íslenskra sveitarfélaga, dags. 24.11.2017..doc