Kynning á lögum um samþættingu þjónustu í þágu farsældar barna.

Á fund bæjarráðs mættu Hildigunnur Árnadóttir, umsjónarfélagsráðgjafi og Snædís Björnsdóttir, lögfræðingur á fjölskyldusviði. Gerðu þær grein fyrir aðdraganda að setningu laga um samþættingu þjónustu í þagu farsældar barna og þeim megin markmiðum sem stefnt er að með gildistöku laganna. Lögin taka gildi 1. janúar 2022 en hefja þarf undirbúning að innleiðingu þeirra strax í haust.

Edda Björg Sigurðardóttir, grunn- og tónlistarskólafulltrúi, Pála Marie Einarsdóttir, umsjónarþroskaþjálfi, Guðrún Hrefna Sverrisdóttir, félagsráðgjafi í barnavernd og Berglind B. Sveinbjörnsdóttir, ráðgjafi í barnavernd, sátu fund bæjarráðs undir þessum dagskrárlið.

Björg Fenger, bæjarfulltrúi, tengdist fundinum undir þessum dagskrárlið með fjarfundarbúnaði.

Fylgiskjöl

• Lög um samþættingu þjónustu í þágu farsældar barna..pdf
• Kynning HÁ og SB fyrir bæjarráði 9.pdf

Lagt er fyrir mál nr. 2101289, frumvarp til laga um samþættingu þjónustu í þágu farsældar barna (farsældarfrumvarp), til kynningar og umræðu.

Tekið er fyrir mál nr. 2101289, frumvarp til laga um samþættingu þjónustu í þágu farsældar barna (farsældarfrumvarp). Fjölskylduráð fjallar um efni frumvarpsins og fyrirhugaðar breytingar á málaflokki barna hjá sveitarfélögum. Fjölskylduráð fagnar tilkomu frumvarpsins sem stuðlar að samfellu í þjónustu við börn og snemmtækum íhlutunum.