23. (1981). fundur

Á fund bæjarráðs mættu Hildigunnur Árnadóttir, umsjónarfélagsráðgjafi og Snædís Björnsdóttir, lögfræðingur á fjölskyldusviði. Gerðu þær grein fyrir aðdraganda að setningu laga um samþættingu þjónustu í þagu farsældar barna og þeim megin markmiðum sem stefnt er að með gildistöku laganna. Lögin taka gildi 1. janúar 2022 en hefja þarf undirbúning að innleiðingu þeirra strax í haust.

Edda Björg Sigurðardóttir, grunn- og tónlistarskólafulltrúi, Pála Marie Einarsdóttir, umsjónarþroskaþjálfi, Guðrún Hrefna Sverrisdóttir, félagsráðgjafi í barnavernd og Berglind B. Sveinbjörnsdóttir, ráðgjafi í barnavernd, sátu fund bæjarráðs undir þessum dagskrárlið.

Björg Fenger, bæjarfulltrúi, tengdist fundinum undir þessum dagskrárlið með fjarfundarbúnaði.

Fylgiskjöl

• Kynning HÁ og SB fyrir bæjarráði 9.pdf
• Lög um samþættingu þjónustu í þágu farsældar barna..pdf

Bæjarráð samþykkir afgreiðslu byggingarfulltrúa að veita Kristni Sigurþórssyni, kt. 190972-5429, leyfi fyrir viðbyggingu við núverandi hús að Espilundi 1.

Bæjarráð samþykkir afgreiðslu byggingarfulltrúa að veita Kjartani Haukssyni, kt. 250270-4969, leyfi fyrir viðbyggingu við núverandi hús að Lindarflöt 43.

Bæjarráð samþykkir afgreiðslu byggingarfulltrúa að veita GB Global, kt. 411014-0960, leyfi fyrir viðbyggingu við núverandi hús að Sunnuflöt 17.

Bæjarráð samþykkir tillögu skipulagsnefndar að auglýsa tillögu að breytingu á deiliskipulagi Garðahverfis samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. og 1. mgr. 43. gr. sömu laga. Í tillögunni felst m.a. að gert er ráð fyrir að göngustígur beint frá Garðaholti að Garðakirkju verði óbreyttur en að einnig verði gert ráð fyrir tengingu göngustígs meðfram Garðavegi að aðkomuvegi að Görðum. Stígur þvert yfir túnið verði hinsvegar ekki lagður nema með samþykki lóðarhafa að Görðum. Gert er ráð fyrir nýrri lóð fyrir íbúðarhús við Nýjabæ 2 og Eystri Dysjar í samræmi við óskir ábúenda.

Tillagan skal auglýst samhliða auglýsingu tillögu að breytingu á aðalskipulagi Garðabæjar vegna svæðis á Garðaholti og í Garðahverfi.

Tillagan skal kynnt bæjaryfirvöldum í Hafnarfirði.

Bæjarráð samþykkir tillögu skipulagsnefndar um að veita framkvæmdaleyfi samkvæmt 13. gr. skipulagslaga nr. 123/2010 fyrir lagningu göngustígs um Ungmennafélagslund á Vífilsstöðum. Framkvæmdin er á svæði þar sem ekki er fyrir hendi deiliskipulag.

Bæjarráð samþykkir tillögu skipulagsnefndar um að hafna umsókn um girðingu allt að 1,96 m við lóðarmörk að götu lóðarinnar við Seinakur 8 með vísan til nýsamþykktra reglna um girðingar og skjólveggi.

Gunnar Valur Gíslason, vék af fundi við umræðu og afgreiðslu málsins.

Bæjarráð samþykkir tillögu skipulagsnefndar um að veita framkvæmdaleyfi samkvæmt 13. gr. skipulagslaga nr. 123/2010 fyrir göngustíg neðan kirkjugarðs Garðakirkju og að Garðavör. Framkvæmdin er í samræmi við gildandi deiliskipulagsskilmála.

Bæjarráð samþykkir tillögu skipulagsnefndar um að fram fari grenndarkynning vegna óverulegrar breytingar á deiliskipulagi Arnarness í tilefni umsóknar um gerð viðbótar bifreiðastæðis í norðausturhorni lóðarinnar við Blikanes 9, sbr. 2. mgr. 43. gr. skipulagslaga nr. 123/2010 og 2. mgr. 44. gr. sömu laga. Grenndarkynna skal tillöguna öllum eigendum lóða við Blikanes.

Lögð fram.

Lögð fram.

Staðsetning gististaðar er á svæði sem í aðalskipulagi er skilgreint sem íbúðarsvæði en deiliskipulag liggur ekki fyrir. Bæjarráð samþykkir að grenndarkynna eigendum aðliggjandi lóða viðkomandi starfsemi ásamt að láta byggingarfulltrúa meta hvort mannvirkið uppfylli kröfur laga um mannvirki.

Bæjarráð vísar bréfinu til bæjarstjóra og til umfjöllunar í fjölskylduráði, öldungaráði og íþrótta- og tómstundaráði.

Bæjarráð vísar bréfinu til nánari skoðunar við afgreiðslu fjárhagsáætlunar fyrir árið 2022.

Sara Dögg Svanhildardóttir, lagði fram eftirfarandi bókun:

„Garðabæjarlistinn fagnar því að Garðabær styðji við félag eldri borgara með auknu fjármagni og geri félaginu þannig kleift að gera samning við Janus heilsueflingu að veruleika og um leið marg framlagða tillögu okkar Garðabæjarlistans um að innleiða Janus heilsueflingu verkefni sem tekur sérstaklega utan um lýðheilsu eldri borgara með faglegum og markvissum hætti.“

Fylgiskjöl

• Bæjarstjórn Gunnar Einarss._20210615_0001.pdf

Lögð fram eftirfarandi tillaga Garðabæjarlistans.

„Bæjarráð felur fræðslu- og menningarsviði að láta gera könnun meðal leik- og grunnskólakennara í leik- og grunnskólum Garðabæjar þar sem kallað verður eftir mati á starfsaðstæðum, líðan í starfi og afstöðu til starfskjara.“

Greinargerð

Nú þegar menntastefna Garðabæjar er til endurskoðunar er ekki úr vegi að fá fram mat leik- og grunnskólakennara á starfsaðstæðum, líðan í starfi og afstöðu til starfskjara. Framúrskarandi skólastarf byggir á öflugu fagfólki sem aftur byggir á vellíðan í starfi. Garðabær vill bjóða upp á framúrskarandi skólastarf og við endurskoðun menntastefnu sveitarfélagsins er við hæfi að rýna í starfsumhverfi, líðan og starfskjör þessa mikilvæga hóps. En ekki er síður mikilvægt að ná fram eins og hægt er hvaða áhrif óvenjuleg starfsskilyrði sem sköpuðust við glímuna við heimsfaraldurinn Covid 19 hefur haft.

Bæjarstjóri upplýsti um að á vegum Garðabæjar hafa reglulega verið gerðar kannanir meðal leik- og grunnskólakennara þar sem lagt er mat á starfsumhverfi og líðan.

Könnunin Skólapúlsinn var síðast lögð fyrir í mars 2020 og verður aftur lögð fyrir í mars 2022 þar sem kannað er m.a. annars starfsaðstæður og líðan í starfi en að undanskildum starfskjörum enda eru þau afgreidd á öðrum vettvangi. Leikskólafulltrúi er að undirbúa að leggja fyrir könnun í haust meðal skólastjórnenda leikskóla um áhrif styttingar vinnuvikunnar á starfsumhverfi skólanna í samstarfi við mannauðsstjóra

Þá hefur Dr. Hjördís Sigursteinsdóttir, dósent við Háskólann á Akureyri, sent starfsfólki Garðabæjar beiðni um þátttöku í rannsókninni „Heilsa, líðan og starfstengd viðhorf starfsfólks íslenskra sveitarfélaga“ og snérust fimm spurninganna um áhrif Covid-19 á störf þess.

Bæjarstjóri lagði til að vísa framkominni tillögu til fræðslu- og menningarsviðs til að leggja mat á hvort ástæða sé til að hafa viðbótarspurningar til að kanna nánar hvaða áhrif óvenjuleg starfsskilyrði sem sköpuðust við glímuna við heimsfaraldurinn Covid 19 hefur haft.

Tillaga bæjarstjóra samþykkt.

Lögð fram uppsögn Sjómannadagsráðs og Hrafnistu, dags. 14. júní 2021 á samningi við Garðabæ um rekstur hjúkrunarheimilisins Ísafoldar, dags. 6. janúar 2017. Uppsögnin mun taka gildi 1. janúar 2022.

Bæjarstjóri gerði grein fyrir að með bréfi til heilbrigðisráðuneytisins, dags. 18. maí sl. hafi Garðabær farið fram á viðræður við ráðuneytið um yfirtöku ríkisins á hjúkrunarheimilinu Ísafold. Jafnframt upplýsti bæjarstjóri að ráðuneytinu hafi verið með tölvupósti, dags. 15. júní sl. tilkynnt um uppsögn Hrafnistu ásamt því að minna á beiðni um viðræður við ráðuneytið um yfirtöku ríkisins á hjúkrunarheimilinu.

Fylgiskjöl

• maria.hardardottir_h_210614-152047-3a2.pdf

Lagt fram.

Lögð frameftirfarandi tilboð í framkvæmdir við gatnagerð í 4. áfanga norðurhluta Urriðaholts.

PK verk ehf. kr. 587.455.190

Loftorka Reykjavík ehf. kr. 598.704.765

Grafa og grjót ehf. kr. 541.499.700

Óskatak ehf. kr. 570.370.150

Háfell ehf. kr. 527.200.800

Kostnaðaráætlun kr. 575.539.500

Bæjarráð samþykkir að taka tilboði lægstbjóðanda Háfells ehf. Samþykktin er með fyrirvara um að um að uppfylltir séu allir skilmálar útboðsins og er bæjarverkfræðingi falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun