Starfsemi Tónlistarskólans 2021-2022.

Skólastjóri fór yfir skólastarfið undanfarnar vikur og sagði frá starfseminni. Skólastarfið fór vel af stað og nú er hægt að halda úti allri starfsemi skólans í ljósi núgildandi sóttvarnarreglna. Fram undan eru hausttónleikar skólans í húsnæði skólans í Kirkjulundi og í nýjum sal grunnskólans á Álftanesi. Þá heldur stórsveit skólans stórtónleika ásamt söngnemendum 26. október nk. Fram undan eru masterklassar með ýmsum listamönnum fyrir lengra komna nemendur skólans.

Undanfarna mánuði hefur farið fram vinna við endurgerð menntastefnu Garðabæjar til ársins 2030. Formaður fór stuttlega í gegnum þá vinnu og rætt var um málefni Tónlistarskóla Garðbæjar í væntanlegri menntastefnu.

Rætt um óskir um kaup á búnaði og um fjölgun stöðugilda við skólann til að mæta biðlistum. Þá var rætt um óskir um að stækkun skólans í Kirkjulundi yrði sett á áætlun og gert væri ráð fyrir stækkun tónlistarskólans í samræmi við fjölgun íbúa á Álftanesi. Skólanefndin styður þessar óskir og bendir á að fjölgun íbúa í Garðabæ kalli á stækkun tónlistarskólans.

Bæjarstjórn samþykkir samhljóða gjaldskrá Tónlistarskóla Garðabæjar fyrir skólaárið 2021-2022.

Bæjarráð vísar tillögu skólanefndar Tónlistarskóla Garðabæjar um gjaldskrá fyrir skólaárið 2020-2021 til afgreiðslu bæjarstjórnar.

Fylgiskjöl

• tónlistarskóli2021-2022.pdf

Farið var yfir stöðu biðlista við tónlistarskólann og eru nú rúmlega 200 nemendur á biðlistanum. Skólanefndin leggur mikla áherslu á að tekið verði mið af biðlistum við eflingu skólans, stöðugildum fjölgað og að tónlistarskólinn stækki í samræmi við þá miklu fjölgun íbúa sem hefur orðið á síðustu árum og stefnir í að verði áfram.

Lögð fram tillaga um 4% hækkun skólagjalda fyrir starfsárið 2021-2022. Var sú tillaga samþykkt samhljóða.

Skólastjóri fór yfir skólastarfið undanfarnar vikur og sagði frá starfseminni á covid tímum. Skóladagatal 2021-22 var lagt fyrir til samþykktar. Skóladagatalið var samþykkt samhljóða.