Urriðavatn veiðileyfi

Þó Urriðavatn sé lítið um sig og grunnt, vatnsdýpið nær hvergi einum metra, er vatnið mjög gróskumikið og lífríkt
og með mikinn einstaklings- og tegundafjölda dýra á íslenskan mælikvarða. Urriðavatn er sérstakt á lands- og
heimsvísu því um hraunstíflað lindarvatn er að ræða á vatnasviði með hrauni frá nútíma.
Í Urriðavatni eru tvær fisktegundir, urriði og hornsíli. Þar sem mikið vistfræðilegt samspil er á milli þessara tveggja fisktegunda í vatninu munu allar breytingar sem hafa áhrif á aðra þeirra óhjákvæmilega hafa áhrif á hina. Búsvæði og vistsamfélag Urriðavatns veitir urriðanum og hornsílunum sérstöðu og eykur verndargildi þeirra. Með aukinni byggð fylgir aukin umferð og eykst álag á vistkerfi Urriðavatns.
Ástand urriðastofnsins í Urriðavatni er talið gott en stofninn er mjög viðkvæmur fyrir veiði þar sem nýliðun urriðans er takmörkuð í vatninu og er því öll veiði bönnuð í Urriðavatni. Umhverfisnefnd áréttar þetta.

Bæjarráð vísar bréfinu til umhverfisnefndar.

Fylgiskjöl

• Erindi varðandi veiðileyfi í Urriðakotsvatni.doc