Tillaga um nafngiftir og fegrun hringtorga í Garðabæ

Rætt um útfærslu á merkingum í Garðabæ.

Tillaga um nafngiftir rædd og verður unnin áfram.

Umhverfisnefnd ræddi tillögu um nafngiftir og fegrun hringtorga í Garðabæ. Nefndin leggur til hugmyndir að forgangsröðun hringtorga sem til greina koma fyrir nafngiftir en leggur jafnframt áherslu á að frekari greining á útfærslu og kostnaði fari fram við verkefnið.

Málinu vísað til umhverfissviðs til frekari útfærslu sem sendir nefndinni þær þegar liggur fyrir hvort breytingar muni eiga sér stað á helstu hringtorgum bæjarins á næstunni.

Fylgiskjöl

• Hringtorg-nafngift_Garðabær.docx

Arinbjörn Vilhjálmsson skipulagsstjóri-innlegg

Arinbjörn Vilhjálmsson skipulagsstjóri Garðabæjar kynnti hringtorg í Garðabæ, fjölda og stærð. Ræddar voru hugmyndir menningar- og safnanefndar um fegrun og nafngiftir torganna.

Fylgiskjöl

• Bæjarstjórn Garðabæjar - 9. (905) (16.6.2022) - Tillaga um nafngiftir og fegrun hringtorga í Garðabæ
• Hringtorg_loka_.docx

Tillaga um nafngiftir og fegrun hringtorga í Garðabæ rædd og menningarfulltrúa falið að kanna fjölda hringtorga og stærð þeirra fyrir næsta fund nefndar.

Fylgiskjöl

• Bæjarstjórn Garðabæjar - 9. (905) (16.6.2022) - Tillaga um nafngiftir og fegrun hringtorga í Garðabæ
• Hringtorg_loka_.docx

Hrannar Bragi Eyjólfsson, kvaddi sér hljóðs og lagði fram eftirfarandi tillögu.

„Bæjarstjórn Garðabæjar samþykkir að fela menningar- og safnanefnd og umhverfisnefnd að vinna tillögur um hvernig staðið verði að nafngiftum og fegrun hringtorga bæjarins. Jafnframt skulu nefndirnar vinna með tækni- og umhverfissviði að fegrun hringtorga bæjarins.“

Greinargerð:
Hringtorg bæjarins setja mikinn svip á bæinn og eiga að vera prýði fyrir bæjarbúa og vegfarendur. Líta má til þess að hringtorgin hafi að einhverju leyti samræmda ásýnd með sumarblómum og öðrum gróðri sem hentar og skyggir ekki á umferð. Útilistaverk gætu mögulega verið á stærri hringtorgum.
Samkeppni meðal bæjarbúa varðandi nöfn á a.m.k. einhver hringtorg bæjarins er leið til að tengja bæjarbúa með lýðræðislegum hætti við verkefnið og nærsamfélag sitt. Menningar- og safnanefnd gæti einnig horft til sögu Garðabæjar, s.s. til sögu Bessastaða og forsetaembættisins, sem og nágrenni hvers torgs við nafngiftirnar.
Guðfinnur Sigurvinsson, formaður menningar- og safnanefndar.
Hrannar Bragi Eyjólfsson, formaður íþrótta- og tómstundaráðs.

Guðfinnur Sigurvinsson, tók til máls um framkomna tillögu.

Þorbjörg Þorvaldsdóttir, tók til máls um framkomna tillögu.

Bæjarstjórn samþykkir samhljóða framkomna tillögu.