Bæjargil 122 - sólskáli - Fyrirspurn til tækni- og umhverfissviðs

Lögð fram fyrirspurn um útfærslu breytinga að íbúðarhúsinu Bæjargil 122 sem gerir ráð fyrir stækkun stofu með svölum ofan á.
Skipulagsstjóri vísar byggingarleyfisumsókn sem er í samræmi við fyrirspurn til grenndarkynningar í samræmi við 44.gr. skipulagslaga nr.1123/2010.
Grenndarkynna skal eigendum og íbúum að Bæjargilis nr. 94,96,98,100,102,104,106,108, 110, 120 og 124.
Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram fyrirspurn um hugmynd að viðbyggingu við íbúðarhús sem geti verið tvær hæðir. Skipulagsnefnd telur að hugmyndin sé ekki í anda deiliskipulagsins sem aðeins heimilar minniháttar timburútbyggingar eins og garðstofur. Þakgerð húsanna er eitt helsta einkenni deiliskipulagsins og skapar þann sterka staðaranda sem er til staðar í Bæjargili og full ástæða er til að standa vörð um.
Svar nefndarinnar er því neikvætt.