Eikarás 1 - Skipta eign í 2 fastanúmer - Fyrirspurn til tækni- og umhverfissviðs

„Bæjarstjórn samþykkir með tíu atkvæðum tillögu skipulagsnefndar að hafna umsókn húseigenda að Eikarási 1 um skiptingu eignarinnar í tvær óskiptar eignir.“ [Mál nr. 2211042]

Þorbjörg Þorvaldsdóttir, situr hjá við afgreiðslu málsins.

Bæjarráð samþykkir að leggja til við bæjarstjórn að samþykkja tillögum skipulagsnefndar að hafna umsókn húseigenda að Eikarási 1 um skiptingu eignarinnar í tvær óskiptar eignir.

Lögð fram fyrirspurn húseigenda um að einbýlishúsi sé breytt í tvíbýlishús með því að skipta eigninni upp.
Skipulagsnefnd svarar fyrirspurn neikvætt á þeirri forsendu að skipting eigna í grónu einbýlishúsahverfi hafi neikvæð áhrif á stöðu hverfisins sem einbýlishúsahverfis. Nefndin leggst hinsvegar ekki gegn því að útbúnar séu aukaíbúðir í einbýlishúsum sem stuðlar að framboði á góðu leiguhúsnæð og góðri nýtingu eigna. Þess eru fjölmörg dæmi að umsóknum um skiptingu einbýlishúsa hafi verið hafnað, ekki síst vegna andstöðu eiganda í viðkomandi einbýlishúsahverfum.