11. fundur

Þráinn Hauksson landslagsarkitekt hjá Landslagi gerði grein fyrir samráði við Umhverfisstofnun sem hefur farið fram við mótun tillögu að deiliskipulagi Vífilsstaðahrauns.

Gerði hann grein fyrir þeim valkostum sem staðið er frammi fyrir um legu og útfærslu stígakerfis. Skipulagsnefnd fellst á tillögu ráðgjafa um legu á stíg í gegnum hraunið í hæfilegri fjarlægð frá Reykjanesbraut.

Vísað til úrvinnslu hjá skipulagsráðgjafa og umhverfissviði.

Þóra Kjarval hjá Alta ehf gerði grein fyrir vinnu við mótun tillögu að deiliskipulagi Útivistarsvæðis í Urriðavatnsdölum

Vísað til úrvinnslu hjá skipulagsráðgjafa og Umhverfissviði.

Þráinn Hauksson landslagsarkitekt hjá Landslagi gerði grein fyrir vinnu sem hefur farið fram við mótun tillögu að breytingu deiliskipulags Heiðmerkur til samræmis við tillögur sem eru í mótun á aðliggjandi svæðum og til samræmis við tillögu að breytingu aðalskipulags sem samþykkt hefur verið að auglýsa og er nú í athugun hjá Skipulagsstofnun.

Vísað til úrvinnslu hjá skipulagsráðgjafa og Umhverfissviði.

Lagður fram uppdráttur að breytingu deiliskipulags Urriðaholts Austurhluta sem gerir ráð fyrir því að reiðstígur austan Flóttamannavegar verði felldur út til samræmis við tillögu að breytingu Aðalskipulags Garðabæjar sem ákveðið hefur verið að auglýsa og hefur verið send Skipulagsstofnun til athugunar.

Afgreiðslu tillögunnar frestað þangað til aðrar áætlanir sem stefnt er að verði kynntar samhliða verða teknar fyrir í skipulagsnefnd.

Lögð fram umsókn lóðarhafa Austurhrauns 9 um breytingu á deiliskipulagi Molduhrauns sem gerir ráð fyrir því að byggingarreitur fyrir stakstæðar byggingar sé felldur út og í stað þess stækki byggingarreitur lóðarinnar til norðvesturs. Ástæða tillögunnar er sú að áform um stækkun verksmiðjuhúsnæðisins hafa breyst.

Skipulagsnefnd vísar breytingartillögunni til auglýsingar í samræmi við 1.mgr.43.greinar og 1.mgr. 41.gr. Skipulagslaga nr.123/2010.

Lögð fram tillaga að breytingu deiliskipulags Vífilsstaðavegar sem gerir ráð fyrir útisvæðum veitingarstaða og verslana við Garðatorg ásamt athugasemd sem barst við grenndarkynningu.

Eftirfarandi ákvæði hefur verið bætt við tillöguna til að koma til móts við innsenda athugasemd:

Opnunartími útisvæða verslana og veitingastaða við Garðatorg 6 og 4 verði ekki lengri en til

kl. 21 á kvöldin og allri starfsemi og frágangi á svæðinu verði lokið eigi síðar en kl. 22 á kvöldin.

Þetta á t.d. við um að gengið verði frá stólum og borðum og þeim raðað upp á viðhlítandi hátt.

Gerð verði krafa um að verslanir og veitingastaðir sem nýta sér útisvæði, sjái um að þrífa viðkomandi

svæði eftir notkun hverju sinni og halda því snyrtilegu gagnvart íbúum húsanna.

Sett verði fram krafa um að eigendur verslana og veitingastaða sjái til þess að starfsemi þeirra á

útisvæði við húsið trufli á engan hátt friðhelgi og einkalíf íbúanna á heimilum sínum.

Vísað til skoðunar hjá Umhverfissviði.

Lögð fram tillaga að breytingu deiliskipulags að lokinni grenndarkynningu sem gerir ráð fyrir því að bílastæðum á lóðinni Jafnakur 7 fjölgi úr þremur í fjögur.

Athugasemd sem barst í grenndarkynningu lögð fram en í henni segir að búið sé að útfæra bílastæði sem sé meðfram allri vesturhlið hússins og sé útfærslan því ekki í samræmi við grenndarkynnta tillögu sem gerir ráð fyrir bílastæði við götu.

Skipulagsnefnd þykir einsýnt að fjölgun bílastæða á lóð í deiliskipulagi geti stuðlað að því að lóðarhafar leggi stóra hluta lóða undir bílastæði sem hefur neikvæð áhrif á yfirbragð hverfisins.

Skipulagsnefnd hafnar tillögunni.

Lagt fram minnisblað Sigurðar Einarsonar deiliskiplagshöfundar sem viðbragð við yfirferð og rýni gildandi deiliskipulags.

Sigurður var viðstaddur þennan fundarlið og gerði grein fyrir niðurstöðu sinni sem kallar á minniháttar breytingar á deiliskipulag Hnoðraholts norðurhluta.

Vísað til úrvinnslu hjá skipulagsráðgjafa og Umhverfissviði.

Lögð fram fyrirspurn uppbyggingaraðila í Þorraholti að sunnanverðu um minniháttar breytingar á deiliskipulagi þeirra fjölbýlishúsalóðar sem liggur næst Vetrarbraut. Fyrirspurn vísað til umsagnar deiliskipulagshöfundar Hnoðraholts norðurhluta.

Lögð fram umsókn um deiliskipulagsbreytingu sem gerir ráð fyrir því að hesthúsalóðirnar Tinnuvellir 8 og Tinnuvellir 10 sameinist í eina lóð með sameiginlegum byggingarreit.

Skipulagsnefnd metur tillögunar sem óverulega breytingu deiliskipulags Kjóavalla í samræmi við 2.mgr.43.gr.Skipulagslaga nr 1123/2010 og vísar henni til grenndarkynningar.

Grenndarkynna skal öllum lóðarhöfum í Rjúpnahlíðarhverfi, stjórn Hestamannafélagsins Spretts og Kópavogsbæ sem er aðili að deiliskipulagi Kjóavalla.

Lögð fram fyrirspurn húseigenda um að einbýlishúsi sé breytt í tvíbýlishús með því að skipta eigninni upp.

Skipulagsnefnd svarar fyrirspurn neikvætt á þeirri forsendu að skipting eigna í grónu einbýlishúsahverfi hafi neikvæð áhrif á stöðu hverfisins sem einbýlishúsahverfis. Nefndin leggst hinsvegar ekki gegn því að útbúnar séu aukaíbúðir í einbýlishúsum sem stuðlar að framboði á góðu leiguhúsnæð og góðri nýtingu eigna. Þess eru fjölmörg dæmi að umsóknum um skiptingu einbýlishúsa hafi verið hafnað, ekki síst vegna andstöðu eiganda í viðkomandi einbýlishúsahverfum.

Lögð fram fyrirpurn lóðarhafa um fyrirkomulag bílastæða sem víkur lítillega frá deiliskipulagsákvæðum. Skipulagsnefnd vísar fyrirspurn til umsagnar deiliskipulagshöfundar Urriðaholts Norðurhluta 4 og Urriðaholts ehf.

Baldur Ó. Svavarsson arkitekt kom og gerði grein fyrir umsókn um breytingu deiliskipulags Gilsbúðar 9.

Umsókn vísað til skoðunar hjá Umhverfissviði.

Erindi lagt fram.

Fundargerð lögð fram.