Uppbygging lífsgæðakjarna fyrir eldri borgara

Umræður um uppbyggingu lífsgæðakjarna í Garðabæ.

„Umræður um lífsgæðakjarna fyrir eldri borgara í Garðabæ. Almar Guðmundsson bæjarstjóri sat fundinn undir þessum lið og ræddi meðal annars framtíðarmöguleika í uppbyggingu búsetu- og þjónustuúrræða fyrir eldri borgara í Garðabæ, ásamt því að svara fyrirspurnum fundarmanna.

Í ljósi þess að ekki hefur tekist að ljúka samningum á milli Sjúkratrygginga Íslands og Hrafnistu vegna tíu samþykktra dagdvalarrýma Hrafnistu Ísafoldar vill öldungaráð leggja áherslu á að mikilvægt sé að samningar náist sem allra fyrst, til að hægt sé að taka viðbótarrýmin í notkun og styðja á þann hátt við dagdvalarþjónustu eldri borgara í Garðabæ.

Erindi frá Sjómannadagsráði, Hrafnistu og Naustavör um uppbyggingu lífsgæðakjarna fyrir eldri borgara lagt fram til umræðu.

Öldungaráð Garðabæjar, samþykkir fundarboð Sjómannadagsráðs, Hrafnistu og Naustavarar þar sem fara á yfir sjónarmið vegna uppbyggingaráætlunar á lífsgæðakjarna fyrir eldri borgara og það starf sem unnið hefur verið að á síðustu mánuðum tengt uppbyggingu lífsgæðakjarna.