3. fundur

Staðan á dagdvalarrýmum Hrafnistu Ísafoldar, tekin til umræðu.

Beiðni Hrafnistu Ísafold til Sjúkratrygginga Íslands dags 1.06.2023 um að fjölga dagdvalarrýmum úr 20 í 30, tekin til umræðu. Á fundinn kom María Fjóla Harðardóttir, forstjóri Hrafnistu og fór yfir stöðu málsins í dag. Rýmin hafa ekki verið opnuð og lítur öldungaráð málið alvarlegum augum og telur stöðuna vera óásættanlega.

Samskiptasáttmáli Garðabæjar lagður fram til kynningar.

Linda Udengard sviðsstjóri fræðslu- og menningarsviðs kynnir Samskiptasáttmála Garðabæjar 2023.

Félag eldri borgara í Garðabæ (FEBG) og Félag eldri borgara á Álftanesi (FEBÁ) kynna haustdagskrá félaganna.

Anna Möller fulltrúi í öldungaráði og formaður félags eldri borgara í Garðabæ og Sæbjörg Einarsdóttir fulltrúi í öldungaráði og gjaldkeri félags eldri borgara á Álftanesi kynna starf og haustdagskrá félaganna.

Erindi frá Sjómannadagsráði, Hrafnistu og Naustavör um uppbyggingu lífsgæðakjarna fyrir eldri borgara lagt fram til umræðu.

Öldungaráð Garðabæjar, samþykkir fundarboð Sjómannadagsráðs, Hrafnistu og Naustavarar þar sem fara á yfir sjónarmið vegna uppbyggingaráætlunar á lífsgæðakjarna fyrir eldri borgara og það starf sem unnið hefur verið að á síðustu mánuðum tengt uppbyggingu lífsgæðakjarna.

Fjölnota aðstaða fyrir eldri borgara í Lambamýri.

Fjölnota aðstaða fyrir eldri borgara í Lambamýri og skipulag aðstöðunnar lagt fram til kynningar.

Staða aðgerðaráætlunar tengd stefnu í málefnum eldri borgara 2016-1026 til umræðu.

Staða aðgerðaráætlunar tengd stefnu í málefnum eldri borgara 2016-2026 til umræðu og línur lagðar varðandi hvenær drög að nýrri áætlun liggi fyrir. Samþykkt er að drög að áætlun verði unnin af fulltrúum úr öldungaráði í samvinnu við starfsmenn á velferðarsviði.