Fjölgun rýma í dagdvöl Ísafoldar

Fjölgun dagdvalarrýma Hrafnistu Garðabæ - Ísafold.

Á fundinum var lagt fram bréf sem sent var til heilbrigðisráðherra 25.febrúar sl. Í bréfinu er bókun öldungaráðs tengt fjölgun rýma í dagdvöl Hrafnistu Ísafoldar, frá desember 2024, lögð fram og vonbrigðum lýst með að ekki sé búið að taka rýmin í notkun. Jafnframt er þess farið á leit við ráðuneytið að það taki málið til skoðunar. Öldungaráð mun fylgja málinu eftir enda um að ræða afar mikilvæga þjónustu til eldra fólks í Garðabæ.

Staðan á dagdvalarrýmum Hrafnistu Ísafoldar, tekin til umræðu.

Beiðni Hrafnistu Ísafold til Sjúkratrygginga Íslands dags 1.06.2023 um að fjölga dagdvalarrýmum úr 20 í 30, tekin til umræðu. Á fundinn kom María Fjóla Harðardóttir, forstjóri Hrafnistu og fór yfir stöðu málsins í dag. Rýmin hafa ekki verið opnuð og lítur öldungaráð málið alvarlegum augum og telur stöðuna vera óásættanlega.

Í minnisblaðinu er lýsing á framkvæmdum og búnaðarkaupum vegna stækkunar dagdvalar Ísafoldar.

Bæjarráð vísar bréfinu til afgreiðslu bæjarstjóra.

Lögð fram tilkynning Sjúkratrygginga þar sem fram kemur að samþykkt hefur verið að fjölga dagdvalarrýmum á Hrafnistu Ísafold úr 20 í 30. Almenn rými fara úr 16 í 22 og sérhæfð rými fyrir einstaklinga með heilabilunarsjúkdóm fari úr 4 í 8.

Bæjarráð lýsir yfir sérstakri ánægju með samþykkt Sjúkratrygginga um fjölgun dagdvalarrýma á Hrafnistu Ísafold.

Minnisblað um fjölgun rýma í dagdvöl Hrafnistu var til umræðu í bæjarráði þann 18. apríl sl. Bæjarráð samþykkti að Garðabær styddi við umsókn Hrafnistu um fjölgun á dagdvalarrýmum á Ísafold úr 20 í 30 enda lægi fyrir að þörfin væri brýn og almenn ánægja væri með þjónustu dagdvalar Ísafoldar hjá þjónustuþegum og aðstandendum.

Minnisblað um fjölgun rýma í dagdvöl Hrafnistu lagt fram til kynningar. Öldungaráð styður heilshugar við umsókn Hrafnistu og Garðabæjar um fjölgun dagdvalarrýma á Ísafold úr 20 í 30, enda þörfin afar brýn.

Minnisblað um fjölgun rýma í dagdvöl Hrafnistu var til umræðu í bæjarráði þann 18. apríl sl. Bæjarráð samþykkti að Garðabær styddi við umsókn Hrafnistu um fjölgun á dagdvalarrýmum á Ísafold úr 20 í 30 enda lægi fyrir að þörfin væri brýn og almenn ánægja væri með þjónustu dagdvalar Ísafoldar hjá þjónustuþegum og aðstandendum.

Minnisblað um fjölgun rýma í dagdvöl Hrafnistu lagt fram til kynningar. Þóra Gunnarsdóttir, forstöðumaður stuðnings- og öldrunarþjónustu sat fundinn undir þessum lið.

Í minnisblaðinu er lagt til að Garðabær og Hrafnista sæki sameiginlega um aukningu á dagdvalarrýmum á Ísafold.

Bæjarráð samþykkir að Garðabær styðji við umsókn Hrafnistu um fjölgun á dagdvalarrýmum á Ísafold úr 20 í 30 enda liggur fyrir að þörfin er brýn og almenn ánægja er með þjónustu dagdvalar Ísafoldar hjá þjónustuþegum og aðstandendum. Bæjarráð vísar málinu til bæjarstjóra og til kynningar í fjölskylduráði og öldungaráði.

Fylgiskjöl

• Minnisblað um fjölgun rýma í dagdvöl á Ísafold - apríl 2023.pdf