2. fundur

Kynning á starfsemi Ísafoldar, hjúkrunarheimilis og dagdvalar.

Rannveig Albína Norðdhal hjúkrunardeildarstjóri sat fundinn undir þessum dagskrárlið, kynnti starfsemi Ísafoldar hjúkrunarheimilis og dagdvalar og svaraði fyrirspurnum.

Minnisblað um fjölgun rýma í dagdvöl Hrafnistu var til umræðu í bæjarráði þann 18. apríl sl. Bæjarráð samþykkti að Garðabær styddi við umsókn Hrafnistu um fjölgun á dagdvalarrýmum á Ísafold úr 20 í 30 enda lægi fyrir að þörfin væri brýn og almenn ánægja væri með þjónustu dagdvalar Ísafoldar hjá þjónustuþegum og aðstandendum.

Minnisblað um fjölgun rýma í dagdvöl Hrafnistu lagt fram til kynningar. Öldungaráð styður heilshugar við umsókn Hrafnistu og Garðabæjar um fjölgun dagdvalarrýma á Ísafold úr 20 í 30, enda þörfin afar brýn.

Viljayfirlýsing um heildarendurskoðun á þjónustu við eldra fólk var undirrituð 21.06.2022. Þar sem kveðið er á um aukið samstarf og samvinnu varðandi málefni eldra fólks með það markmið að tryggja samhæfða þjónustu við hæfi á réttu þjónustustigi og á réttum tíma. Á það bæði við um stuðningsþjónustu sveitarfélaga og heilbrigðisþjónustu ríkisins. Markmiðið er að tryggja samhæfða þjónustu. Verkefnastjórn hefur það hlutverk að leiða vinnu við heildarendurskoðun þjónustunnar og útfæra tímasett markmið í aðgerðaáætlun til fjögurra ára og í framhaldi vinna að innleiðingu og framkvæmd aðgerðaáætlunarinnar. Í september sl. var haldin vinnustofa um framtíð þjónustu við eldra fólk sem er hluti af vinnu heildarendurskoðunarinnar. Í desember voru lögð fram drög að aðgerðaráætlun sem skipt er upp í fimm þætti, hverjum með sínum undirverkefnum. Þeir eru ; Samþætting, Virkni, Upplýsing, Þróun og Heimili.

Aðgerðaráætlun var í desember sett í samráðsgátt stjórnvalda og þar má sjá umsagnir aðila.

Öldungaráð hefur áður fjallað um málið og telur að sá tími sem lagt er upp með í aðgerðaráætlun sé of langur en um er að ræða tímabilið 2023-2027. Öldungaráð styður áætlun um þróunarverkefni tengt samþættri heimaþjónustu þar sem lagt er til að félags- og heilbrigðisþjónusta sem veitt er eldra fólki í heimahúsi verði samþætt undir sameiginlegri mannafla- og fjármálastjórn.

Kynning á Aðalskipulagi Garðabæjar 2016-2030. Breyting 10. Stígakerfi í þéttbýli og almenningssamgöngur.

Anna Kristín Guðmundsdóttir, frá Landslagi, kynnti Aðalskipulag Garðabæjar 2016-2030. Breyting 10. Stígakerfi í þéttbýli og almenningssamgöngur.

Hrönn Hafliðadóttir, verkefnastjóri skipulagsmála hjá Garðabæ, sat fundinn undir þessum dagskrárlið og svaraði fyrirspurnum. Stefnt er að kynningu á stígakerfinu fyrir félög eldri borgara í haust.

Kynning á stöðu framkvæmda í Jónshúsi.

Kynning á stöðu framkvæmda í Jónshúsi.

Kynning á verkefnum starfshóps um hagsmunafulltrúa eldra fólks.

Stefanía Magnúsdóttir, fulltrúi í öldungaráði, sem hefur setið i starfshóp á vegum Félags- og vinnumarkaðsráðuneytisins kynnir starf hópsins en hann hefur nú sent frá sér skilabréf.

Fundarboð aðalfundar Öldrunaráðs Íslands lagt fram til kynningar.

Lagt fram til kynningar. Formaður öldungaráðs mun sækja fundinn.