Tillaga umhverfisnefndar varðandi viðurkenningar fyrir snyrtilegt umhverfi 2025.

Bæjarráð samþykkir tillögu umhverfisnefndar um viðurkenningar fyrir snyrtilegt umhverfi árið 2025. Fyrirhugað er að veita aðilum viðurkenningar við athöfn á Garðatorgi miðvikudaginn 27. ágúst nk. kl. 17:00.

Umhverfisnefnd fór í árlega garðaskoðun og mun leggja fram tillögur til samþykktar hjá bæjarráði um að veita viðurkenningar fyrir snyrtilegar lóðir íbúðarhúsnæðis, snyrtilegar lóðir fyrirtækis, snyrtilega götu, skemmtilegt opið svæði og framlag til umhverfismála.

Umhverfisnefnd leggur til að óskað verði eftir ábendingum íbúa vegna snyrtilegra garða, snyrtilegra fyrirtækjalóða, snyrtilegra gatna, skemmtilegra opinna svæða ásamt ábendingum fyrir framlag til umhverfismála.