26 (22-26). fundur

Lagt fram. Umhverfissvið er með í vinnslu nýja verklagsreglu varðandi tengingar fráveitu við nýbyggingar.

Umhverfisnefnd leggur til að óskað verði eftir ábendingum íbúa vegna snyrtilegra garða, snyrtilegra fyrirtækjalóða, snyrtilegra gatna, skemmtilegra opinna svæða ásamt ábendingum fyrir framlag til umhverfismála.

Árlegt hreinsunarátak var haldið dagana 28. apríl - 12. maí. Þrjátíu og átta hópar fengu úthlutuð svæði til að hreinsa í nærumhverfi sínu. Umhverfisnefnd vill koma fram þökkum til allra þeirra sem tóku þátt.

Vorhreinsun lóða í Garðabæ fór fram dagana 9.-22 maí með sama sniði og í fyrra þegar nýrri nálgun á hreinsun garðaúrgangs var kynnt. Ríflega 30 gámum var komið fyrir í bænum til að taka á móti garðaúrgangi sem íbúar komu sjálfir í gámana. Fjöldi gáma endurspeglar þann mikla dugnað sem Garðbæingar hafa sýnt í vorhreinsun sinni.

Evrópsk Samgönguvika er haldin dagana 16.- 22. september ár hvert og hafa borgir, bæir, fyrirtæki og félagasamtök á Íslandi tekið þátt í þessu skemmtilega átaki frá árinu 2002. Markmið vikunnar er að kynna fyrir íbúum í þéttbýli fjölbreytta samgöngumáta sem eru vistvænir, hagkvæmir og bæta heilsu fólks um leið og þeir hafa jákvæð áhrif á umhverfið. Þema samgönguviku árið 2025 er Samgöngur fyrir öll þar sem m.a. er horft til aðgengismála

ólíkra hópa og innan sveitarfélaga.

Lagt fram.