Hjúkrunarheimili í Vetrarmýri - Forval.

Lagt fram minnisblað VSÓ ráðgjafar vegna yfirferðar á hæfi umsækjenda í forvali hjúkrunarheimilis í Vetrarmýri, uppbygging og útleiga.

Eftirtaldir aðilar uppfylla hæfiskröfur forvalsgagna að fullu:

Eik fasteignafélag ehf.

Eykt ehf.

Heimar atvinnuhúsnæði ehf.

Kaldalón hf.

Laki ehf.

Reitir atvinnuhúsnæði ehf.

Bæjarráð samþykkir að bjóða framangreindum aðilum þátttöku í lokuðu útboði um uppbyggingu og útleigu hjúkrunarheimilis í Vetrarmýri. Bæjarráð felur umhverfissviði að undirbúa útboðið og framkvæmd þess að höfðu samráði við Félags- og húsnæðismálaráðuneytið.

Á grundvelli samkomulags Garðabæjar og Félags- og húsnæðismálaráðuneytisins hefur Garðabær milligöngu um forval og útboð vegna hönnunar, uppbyggingar og útleigu á húsnæði fyrir þjónustumiðstöð og hjúkrunarheimili í Vetrarmýri. Leitað er að aðilum til að hanna, byggja og eiga húsnæðið og leigja það til félags- og húsnæðismálaráðuneytisins.

Lögð fram forvalsgögn vegna uppbyggingar og útleigu hjúkrunarheimilis í Vetrarmýri. Í forvalsskilmálum koma fram upplýsingar um innkaupaferlið og þær reglur sem fylgt verður við framkvæmd innkaupaferilsins. Jafnframt eru settar fram kröfur um hæfi sem bjóðendum ber að uppfylla samkvæmt nánari skilgreiningu í forvalsgögnum. Forvalsgögnin eru unnin í samvinnu Garðabæjar og Félags- og húsnæðismálaráðuneytisins.

Bæjarráð samþykkir fyrirliggjandi forvalsskilmála og felur umhverfissviði umsjón með framkvæmd forvalsins.