51. fundur

Margrét Berndsen Sigurgeirsdóttir forstöðumaður Bókasafns Garðabæjar og Ásbjörg Una Björnsdóttir útibústjóri Urriðaholtssafns kynntu áskoranir sem bókasafn í opnu rými stendur frammi fyrir. Framtíðar starfssemi og staðsetning safnsins rædd.

Hvernig tókst til?

Rætt um listahátíðina Rökkvuna sem var í alla staði vel heppnuð. Gestir voru almennt mjög ánægðir með tónlistaratriði sem og alla umgjörð hátíðarinnar sem var skipulögð af ungu tónlistarfólki í Garðabæ.

Samþykkt að veita styrk fyrir tónleikunum Mozart við kertaljós sem haldin verður í 30. sinn.

Laugardaginn 2. desember fer fram Aðventuhátíð á Garðatorgi, viðburðir og föndur á Bókasafni Garðabæjar, Hönnunarsafni Íslands og á Garðatorgi 1-4 þar sem aðventumarkaður fer fram. Jólaball með jólasveinum á Garðatorgi 7 markar lok aðventuhátíðar.Kveikt verður á jólatré Garðabæjar daginn áður með leikskólabörnum, jólasveinum og bæjarstjóra samkvæmt hefð sem skapast hefur frá því á Covidtímum.

Fræðsluleikritið Ef ég gleymi eftir Sigrúnu Waage sem hlaut styrk verður flutt þann 29. október kl. 12 í samkomusal Vídalínskirkju. Sýningin fer fram í kjölfar messu þar sem sr. Jóna Hrönn þjónar fyrir altari. Umræður um alzheimer og aðrar tegundir heilabilunar fara fram að sýningu lokinni.

Staða endurnýjunar samnings rædd en menningarfulltrúa falið áframhaldandi vinna í málinu.