3. fundur

Skýrsla starfshóps sveitarfélaganna á höfuðborgarsvæðinu um uppbyggingu verndaðrar vinnu, hæfingu og dagþjónustu fyrir fatlað fólk fram til 2030 lögð fram til kynningar.

Skýrsla starfshóps sveitarfélaganna á höfuðborgarsvæðinu um uppbyggingu verndaðrar vinnu, hæfingar og dagþjónustu fyrir fatlað fólk fram til 2030 lögð fram til umræðu. Í skýrslunni eru kynntar niðurstöður og tillögur starfshópsins varðandi uppbyggingu verndaðrar vinnu, hæfingar og dagþjónustu fyrir fatlað fólk á höfuðborgarsvæðinu til 2030 í ljósi þess að allir vinnu- og hæfingarstaðir á höfuðborgarsvæðinu eru þéttsetnir og biðlistar eftir þjónustu staðreynd. Samráðshópur telur mikilvægt að skoða vinnuúrræði í Garðabæ með hliðsjón af niðurstöðum skýrslunnar.

Á fundi bæjarstjórnar Garðabæjar 15.9.2022 var samþykkt að fela fjölskyldusviði Garðabæjar í samráði við fjölskylduráð og samráðshóp um málefni fatlaðs fólks að yfirfara verklag við gerð áætlana um útvegun viðeigandi húsnæðis fyrir fatlað fólk, þ.m.t. aðgengi fatlaðs fólks og aðstandenda þeirra að upplýsingum um stöðu þeirra á biðlistum bæjarins.

Á fundi samráðshópsins þann 27.10.2022 var núverandi verklag lagt fram til kynningar.

Nú eru lögð fram til kynningar fyrir samráðshópinn drög að nýju verklagi.

Málið var áður til umræðu á fundi samráðshóps um málefni fatlaðs fólks 27. október sl. Snædís Björnsdóttir, lögfræðingur á fjölskyldusviði, kynnir ný drög að verklagi vegna samþykkta umsókna á biðlista eftir félagslegu húsnæði og úthlutana. Með nýju verklagi munu umsækjendur og aðstandendur þeirra eigi greiðan aðgang að upplýsingum um stöðu umsækjandans á biðlistanum og áætlun um hvenær hann megi vænta úrlausnar sinna húsnæðismála. Tillögurnar ræddar. Samráðshópurlýsir yfir ánægju með breytingarnar sem ætlað er að muni stuðla að auknu gegnsæi við bið einstaklinga eftir félagslegu húsnæði, þ.m.t. sértækum húsnæðisúrræðum fyrir fatlað fólk.

Fylgiskjöl

• Húsnæðismál fatlaðs fólks - yfirferð verklags við úthlutun nóv. 2022