15. fundur

Lögð fram tillaga að breytingu deiliskipulags Sjálands sem næst til lóðarinnar Strikið 1-3 að lokinni kynningu skv. 1.mgr.43.gr. Skipulagslaga. Innsendar athugasemdir lagðar fram og minnisblað Arcus sem sýnir áhrif breytingarinnar á skuggavarp, minnisblað Verkís sem sýnir áhrif breytingarinnar á hljóðvist og minnisblað Krabbenhöft+Ingólfsson sem sýnir áhrif breytingarinnar á vindafar.$line$Með vísan í framlögð minnisblöð er það mat nefndarinnar að breytingin hafi ekki neikvæð áhrif á aðliggjandi lóðir.$line$Skipulagsnefnd samþykktir tillöguna óbreytta í samræmi við 3.mgr. 41.gr. Skipulagslaga.

Lögð fram tilllaga að deiliskipulagi 2.áfanga Norðurhluta Urriðaholts. Tillagan gerir ráð fyrir 161-181 íbúðareiningum í blandaðri byggð. Þar af verða um 121-141 íbúð í fjölbýli, 24 í raðhúsum, 12 í parhúsum og 4 í einbýlishúsum. Leitast er við að skapa fjölbreytni í húsgerðum og lifandi tengsl bygginga og göturýma. Hæð og fyrirkomulag húsa leitast við að taka mið af skjólmyndum eftir því sem hægt er og að solar og útsýnis njóti sem víðast. Deiliskipulagshöfundar eru Arkís og Alta.$line$Skipulagsnefnd vísar tillögunni til forkynningar í samræmi við 3.mgr. 40.gr. Skipuaglslaga. Halda skal kynningarfund á meðan forkynning stendur yfir.$line$Skipulagsstjóri gerði einnig grein fyrir tillögum að breytingum á deiliskipulagi Vesturhluta Urriðaholts sem nær til Mosagötu. Skipulagsstjóri hefur lagt til að sú breyting verði kynnt á íbúafundi í tengslum við forkynningu 2.áfanga Norðurhluta Urriðaholts. Skipulagsnefnd er sammála því að sú tillaga verði einnig kynnt þar sem að aðkoma að Mosagötu verður í gegnum Norðurhluta Urriðaholts.

Tillaga að lýsingu aðalskipulags Garðabæjar 2016-2030 lögð fram. Aðalskipulagsráðgjafar gerðu grein fyrir tillögunni. Vísað til frekari skoðunar hjá tækni-og umhverfissviði.