8. fundur

Hulda Hauksdóttir deildarstjóri þjónustu og starfrænnar þróunar kynnti niðurstöðu þjónustukönnunar Gallup. Skólanefnd fagnar því að forráðamenn grunnskólanemenda í Garðabæ eru þeir ánægðustu meðal sveitarfélaga sem könnunin nær til. Þakkir eru færðar til starfsmanna fræðslu- og menningarsviðs og grunnskólanna í bænum.

Guðbjörg Brá Gísladóttir og Sigurjón Árnason verkefnisstjóri hjá Mannvit, fóru yfir niðurstöður úr sýnatökum og framkvæmdir í tengslum við rakaskemmdir í grunnskólum. Starfsmenn og foreldrar fá reglubundnar upplýsingar á samráðsfundum þar sem fulltrúar þeirra sitja ásamt fulltrúum eignasviðs, fræðsluskrifstofu og bæjarstjóra. Skólanefnd er meðvituð um þá stöðu sem nemendur og starfsfólk eru í. Starfsfólk hefur sýnt þrautseigju og lausnarmiðaða nálgun í flóknum aðstæðum. Nemendum, forráðamönnum og starfsfólki skólanna eru færðar bestu þakkir.

Lagt var fram til kynningar upplýsingar um úthlutun úr þróunarsjóði grunnskóla Garðabæjar 2023. Úthlutað var kr: 28.000.000. 25 umsóknir bárust, að þessu sinni hlutu 23 verkefni styrk.