35. fundur

Ólöf Breiðfjörð menningarfulltrúi Garðabæjar, sagði frá menningarviðburðum sem nemendum í skólum bæjarins verður boðið upp á, skólaárið 2025-2026. Skólanefnd lýsir ánægju sinni með metnaðarfulla dagskrá.

Bjarndís Fjóla Jónsdóttir, verkefnisstjóri kennslu- og upplýsingatækni kynnti gervigreindarstefnu Garðabæjar.

Sigríður Hulda Jónsdóttir formaður skólanefndar fór yfir dagskrá Menntadags Garðabæjar og kynnti þau verkefni sem fengu viðurkenningu. Umræður voru um fyrirkomulag Menntadagsins, áherslur og þróun dagskrár.

Umræður voru um áhersluþætti vegna úthlutunar úr Þróunarsjóði grunnskóla 2026. Formanni skólanefndar og fræðslu- og menningarsviði er falið að útfæra áherslur og auglýsa.

Skólanefnd samþykkti beiðni Sjálandsskóla um færslu á skólaslitadegi frá 10. júní til eftirmiðdags 9. júní, vegna námsferðar starfsfólks skólans. Skólaslit fara fram eftir skólalok þann 9. júní. Skólastjóra Sjálandsskóla er falið að upplýsa forráðafólk um breytinguna.

Skólanefnd þakkar skólastjórnendum Sjálandsskóla fyrir áhugaverða kynningu og lýsir ánægju sinni með að kynnast skólanum og skólastarfinu með þessum hætti.