19. fundur

Farið yfir þær breytingar sem urðu á skólahaldi vegna Covid 19. Rætt um hvað við getum lært af þessum tíma sem og stöðuna í skólunum í dag. Skólanefnd felur fræðslu og menningarsviði að tryggja að hver skóli taki saman greinargerð um skólahald á þessu tímabili þar sem fram komi m.a. hvaða lærdóm má draga af því. Skólanefnd og foreldrasamfélagið í bænum færir skólastjórnendum og starfsfólki skólanna þakkir fyrir vel unnin störf.

Á fundi bæjarráðs 31. mars sl var samþykkt aðgerðaáætlun vegna áhrifa Covid 19, fyrstu viðbrögð. Það voru m.a. kynntar sviðsmyndir sem gera ráð fyrir 100 milljón kr. hagræðingu og eða frestun útgjalda til að koma til móts við tekjutap og kostnaðarauka vegna Covid 19. Í því ljósi er mögulegt að komi til skerðingar á úthlutun úr Þróunarsjóði grunnskóla.

Farið yfir breytingar í stjórnendahópi í Garðaskóla, Sjálandsskóla, Flataskóla og á fræðslu og menningarsviði. Skólanefnd þakkar starfsfólki vel unnin störf og býður nýtt fólk velkomið til starfa.