22. fundur

Lagðar voru fram skólaskýrslur grunnskólanna skólaársins 2019-2020. Skólanefnd lýsir ánægju með skýrslur grunnskólanna sem bera vott um um metnaðarfullt og gott skólastarf.

Rædd var skólabyrjun 2020-2021. Í ágúst hófu 2527 nemendur nám við grunnskólana í Garðabæ. 2324 í grunnskólum Garðabæjar og 203 í sjálfstætt starfandi skólum. 220 nemendur hófu nám í 1. bekk grunnskólanna. Skólanefnd leggur áherslu á mikilvægi traustrar stoðþjónustu m.a. mönnun hjúkrunarfræðinga sem er lögbundin í grunnskólum.

Formaður ræddi upphaf grunnskóalstarfs á tímum kórónaveirunnar og þær ráðstafanir sem grunnskólar í Garðabæ hafa gripið til. Grunnskólarnir hafa í einu öllu fylgt ráðleggingum Almannavarna. Skólaskrifstofu er falið að taka saman lærdóm og áhrif af skólastarfs af tímum Covid, hvað við viljum við taka með okkur inn í framtíðina? Skólanefnd er sammála um að starfsmenn skólanna hafi staðið sig einstaklega vel á flóknum tímum.

Rætt var um fyrirhugaðan menntadag í Garðabæ, 23. október nk. Á þessu skólaári er gert ráð fyrir að hann verði með öðru sniði en áður vegna Covid.

Kári Jónsson forvarnarfulltrúi kom til fundarins og sagði frá fyrirhugaðri forvarnarviku 7.- 14. október 2020. Yfirskrift vikunnar verður „Að standa með sjálfum sér“.

Rætt var um að endurvekja foreldarölt í Garðabæ. Málinu vísað til Grunnstoða, forvarnarfulltrúa og skólaskrifstofu Garðabæjar.