33. fundur

Lagðar voru fram skólaskýrslur grunnskólanna skólaársins 2020-2021. Skólanefnd færir þakkir til skólafólks fyrir fagleg og vel unnin störf við gerð skýrslnanna, þær bera bera vott um metnaðarfullt og gott skólastarf auk þess sem þær eru mikilvæg heimild og tæki til stefnumótunar í skólastarfinu.

Niðurstöður Skólapúlsins fyrir skólaárið 2020-2021 lagðar fram til kynningar.

Rædd var skólabyrjun skólaársins 2021-2022. Á ágúst hófu 2551 nemandi nám við grunnskólana í Garðabæ. 2329 við bæjarskólana og 222 í sjálfstætt starfandi skólum. 231 nemandi hófu nám í 1. bekk grunnskólanna. Skólanefnd leggur áherslu á mikilvægi traustrar stoðþjónustu og lýsa ánægju sinni með að allar stöður skólahjúkrunarfræðinga séu fullmannaðar við upphaf skólaársins.

Grunnskólafulltrúi ræddi upphaf grunnskólastarfs á tímum kórónaveirunnar og þær ráðstafanir sem grunnskólar í Garðabæ hafa gripið til. Grunnskólarnir fylgja viðmiðum Almannavarna höfuðborgarsvæðisins sem gilda til 1. október nk.

Formaður ræddi stöðu á vinnu við endurskoðun nýrrar skólastefnu. Vinna við endurskoðun er skv. áætlun.