20. fundur

Skólastjóri fór yfir útsend fylgigögn með fjárhagsáætlun 2018 en fyrri umræða fór fram í bæjarstjórn 2. nóvember. Fjárhagsáætlun er að stórum hluta sambærileg yfirstandandi fjárhagsári.

Skólanefnd ítrekar mikilvægi þess að huga að stækkun á húsnæði skólans í Kirkjulundi og á Álftanesi.

Skólastjóri sagði frá miklu og fjölbreyttu starfi í haust. Haldnir voru 7 hausttónleikar í október, blásarasveitir fóru í æfingabúðir, samspilshópur fór til Danmerkur og æfði og hélt tónleika með jafnöldrum sínum í Give. 28. október var stóri píanódagurinn, en þá koma píanónemendur skólans saman á laugardegi ásamt píanókennurum og vinna að fjölbreyttum verkefnum. Hluti kennara skólans fór í námsferð til Rómar sem var bæði fróðleg og ánægjuleg.

Skólastjóri upplýsti að á vordögum stæði til að leggja fyrir könnun til foreldra sambærilega þeirri sem lögð var fyrir vorið 2015.