13. fundur

Verið er að vinna að skóladagatali fyrir skólana í Garðabæ. Gera má ráð fyrir að skólasetning tónlistarskólans verði miðvikudaginn 24. ágúst 2016.

Skólastjóri fór yfir þá vinnu er snýr að Tónlistarskóla Garðabæjar varðandi landsmótið. Linda Margrét Sigfúsdóttir deildarstjóri er verkefnastjóri skólans í þessu verkefni.

Skólastjóri fór yfir það sem er á döfinni í tónlistarskólanum fram á vorið. Má þar nefna þátttöku í Nótunni, tónleikar blásarasveita í mars og stórsveitar í apríl, námskeið fyrir Suzuki píanónemendur í tónlistarskólanum í apríl og samstarfsverkefni rytmískrar deildar skólans við Tónlistarskóla Kópavogs og Tónlistarskóla Hafnarfjarðar um samspil sem fer fram einu sinni í hverjum skóla fyrir sig á vorönn.

Búið er að vinna úr og kynna niðurstöður starfsmannakönnunar fyrir kennurum skólans. Inga Þóra Þórisdóttir mannauðsstjóri lagði könnunina fyrir og kynnti fyrir starfsfólki skólans. Skólastjóri fór yfir helstu niðurstöður sem eru afar jákvæðar fyrir stjórn skólans.