2. fundur

Stjórn fór yfir Stefnumótunarskjalið og ræddi breytingar, forstöðumanni falið að ganga frá því svo megi ljúka stefnumótun á næsta fundi stjórnar í desember.

Formaður stjórnar skýrði frá fundi sínum og bæjarstjóra Garðabæjar með Mennta- og menningarmálaráðherra ásamt starfsfólki safnaskrifstofu ráðuneytisins. Fundurinn var gagnlegur, sjónarmið Garðabæjar um rekstur safnsins og þáttöku ríkisins í því hlutu jákvæðar undirtektir. Einnig var farið yfir þann kostnað sem ríkið skuldbatt sig til að greiða til nýbyggingar og hvernig það framlag verði reiknað og greitt til safnsins á næstu árum.

Forstöðumaður safnsins lagði fram tölur um stöðu reksturs frá 1. sept. Tekjur og kostnað. Farið var yfir helstu kostnaðarþætti og skýrt frá vinnu við áætlanagerð næsta árs.

M.a.:Sýning Steinunnar Marteinsdóttur í janúar - staða á kaupum leirsafns - ósk Norræna hússins um samstarf vegna sýningar - Hönnunarverðlaun 2015 - Sýningardrög fyrir 2016

Forstöðumaður skýrði frá verkefnum sem eru framundan og í gangi, m.a. undirbúningur á sýningu Steinunnar Marteinsdóttur í janúar. Engin fyrirhuguð sérsýning á haustmánuðum því aftara sýningarrýmið er tímabundið lagt undir skráningar- og rannsóknarvinnu. Safngestir hafa kynnt sér starfsemina þannig og verið ánægðir. Í framhaldi var rætt um öflun safngripa. Formaður stjórnar hefur rætt við Góða hirðinn um meira samstarf og forstöðumanni falið að skoða möguleika þar. Forstöðumaður skýrði frá sýningunni sem verður opnuð á HönnunarMars. Þrír hönnuðir sem hafa verið að vekja athygli, úr sitt hverri greininni: Fatahönnuðurinn Aníta Hirlekar, keramikerinn Bjarni Viðar Sigurðsson og skartgripahönnuðurinn Helga Mogensen hefur verið boðið að sýna saman. Ekki gafst tími til að taka fleira fyrir undir liðnum Önnur mál.