Útivist og náttúra
Í Garðabæ finnur þú fjölbreytt útivistarsvæði sem þú getur notið allt árið.
Hjóla- og göngustígar
Í Garðabæ eru fjölmargir hjóla- og göngustígar sem eru hluti af samgönguneti Garðabæjar en tengja bæinn einnig við nærliggjandi sveitarfélög. Á kortavefnum er hægt að sjá kort yfir stíga bæjarins. Þar er einnig hægt að velja sína eigin leið og mæla vegalengdir og skoða daglegar tölur úr hjóla- og gönguteljurum sem eru á nokkrum stöðum í bænum
Áhugaverðar gönguleiðir í Garðabæ
Hér má nálgast upplýsingar um nokkrar skemmtilegar gönguleiðir í Garðabæ.
Gönguleiðir í Garðabæ
Malarstígur umhverfis vatnið um 2,6 km, aðkomur eru þrjár á mistórum bílaplönum. Vatnið og umhverfi þess var friðlýst 2007. Skrautfjöður friðlandsins er flórgoðinn, gerð var tilraun að setja út hreiðurstæði fyrir goðanna á vorin. Flórgóðum hefur fjölgað á vatninu með hverju ári. Hundar eru bannaðir í friðlandinu um varptímann. Veiðileyfi í vatnið er tímabilið 1. apríl til 15. september. Gönguleið úr friðlandinu á slóða upp á Grunnuvötn um Grunnavatnsskarð.
Malarstígur liggur um skógi vaxið svæði inn með hlíðinni, frá bílaplani við Maríuvelli við Elliðavatnsveg. Fleiri bílaplön og útskot eru meðfram Heiðmerkurvegi. Um miðja hlíðina á móts við háspennumastrið er möguleiki að sveigja af leið yfir í Urriðakotshraunið.
Malarstígur liggur eftir hrauntröð sem er áframhald Selgjár. Áhugaverð útivistarleið um hraunið (hringur Maríuvellir, Vífilsstaðahlíð, Urriðakotshraun, Maríuhellar). Maríuhellar voru friðlýstir árið 2014, fyrrum fjárhellar frá Vífilsstöðum og Urriðakoti. Þar er fræðsluskilti um hellanna.
Malbikaður stígur gengið fram og til baka er rúmir 3 km að göngubrúnni yfir Oddsmýrarlæk og til baka, stikuð leið er sunnan vatnsins. Fuglalíf fjölskrúðugt. Friðsælt þó byggðin á Urriðaholti sé nærri.
Malarstígur norðan vatnsins yfir Hrauntangann í Setbergsland, er hluti hringleiðar um Urriðavatn.
Í byrjun sumars 2024 var tekinn til notkunar nýr stígur sem liggur í birkiskóglendi í Vífilsstaðahrauni, milli Urriðaholtsstrætis og undirganganna við Vífilsstaði, rétt austan við Reykjanesbraut. Stígurinn er þriggja metra breiður og rúmur kílómetri að lengd. Hann er upplýstur og malbikaður fyrir gangandi og hjólandi umferð innan hraunsins.
Vífilsstaðahraun er friðlýst sem fólkvangur. Markmiðið með friðlýsingunni er að vernda landslag hraunsins og hlífa þessu dýrmæta útivistarsvæði í þéttbýli.
Liggur gamall slóði frá Vífilsstöðum yfir steinbrú á Vatnsmýri. Kallast Berklastígur eða Jónshellnastígur, hellirinn við enda slóðans innan við hraunjaðarinn eru fyrrum fjárhellar. Gönguleið á malarstíg fylgir læknum milli undirganga Reykjanesbraut og Elliðavatnsvegar, hún teppist oft að vetrinum.
Malarstígur liggur eftir endilangri Búrfellsgjá, þar endar gangan á Búrfell það er á gígbarmi eldstöðvarinnar sem skóp gjárnar og Búrfellshraun. Gönguleiðin hefst á góðu bílaplani innst við Heiðmerkurveg. Fræðsluskilti er staðsett við tröppur niður Hjallamisgengið. Gjáarétt og gerði er nyrst í gjánni ásamt Vatnsgjá gömlu vatnsbóli.
Slóðar liggja um gjánna milli minja um seljabúskap fyrri tíðar. Gjárbotninn velgróinn og þýfður. Aðkoma á bílaplani innst við Heiðmerkurveg, með fræðslu/söguskilti.
Þar eru fjölmargir malarstígar í skóginn, bílaplön tvö aðkoma af Elliðavatnsvegi norðan Vífilsstaðavatns. Fjöldi bekkja og áningarstaða í skóginum. Kort við aðkomu. Grænt aðkomuskilti skóga.
Malarstígur eftir skógi vaxinni hlið. Gott bílaplan með aðkomu frá Elliðavatnsvegi, áningarstaður með leiktækum. Kort við aðkomu.
Malbikuð skemmtileg hringleið um Garðahraun var friðlýst 2014, aðkoma frá Hagaflöt eða norðan Kauptúnsbrúar.
Hér er gaman að fylgjast með fuglalífinu og ganga um fjöru. Vor og haust kemur margæsin við sem fargestur.
Malarstígur er meðfram ströndinni um 3 km hann er jafnframt reiðstígur innan við sjóvarnargarða sem teygja sig meðfram ströndinni. Hægt er að komast niður í fjöru við Sandvík og Seylu. Fjölbreytt fuglalíf allt árið. Bílaplan er við Kasthúsatjörn þar er fuglaskilti, einnig er hægt að leggja bílum við Seylu.
Gengið eftir flóðvarnargarði sem stíflaði Bessastaðatjörnina, áður heit svæðið Dugguós. Fræðsluskilti er við Skansinn um sögu staðarins. Að ganga út að hinum sögufræga Skansi hvort sem ferðin hefst við Bessastaði eða Seyluna þá er gengið með fram Bessastaðatjörn.
Fornir slóðar Fógetastígur og stikuð leið liggur nær ströndinni. Gálgahraun var friðlýst árið 2009. Áhugavert að ganga þar um og hugsa til ferðar fólks á kúskinsskóm um hraunið fyrr á tíð og setjast niður norðan við Gálgakletta og horfa til Bessastaða og hugleiða söguna. Fallega vogskorin ströndin þar sem sjórinn gengur inn í víkur á flóði. Aðkoma við hringtorg á Hraunsholtsbraut að norðan, en Garðastekk að sunnan. Þar eru fræðsluskilti um söguna og fornar leiðir.
Friðlýst svæði í Garðabæ
Í Garðabæ er lögð mikil áhersla á náttúruvernd svo íbúar og gestir geti notið ósnortinnar náttúru í nærumhverfinu. Um fjórðungur lands í lögsögu bæjarins nýtur friðlýsingar eða hverfisverndar og markvisst er unnið að vernd fleiri verðmætra svæða.
Hreystivellir
Fjölbreytt útivera
Í Garðabæ er hægt að njóta fjölbreyttrar afþreyingar utandyra.