Stærsta blakmót sem haldið hefur verið
Öldungamót í blaki fór fram í öllum íþróttasölum eða á alls 10 völlum í Garðabæ um helgina. Þetta er stærsta blakmót sem haldið hefur verið en í því taka þátt 106 lið frá öllum landshornum eða um 700 keppendur.
Mótinu lýkur í dag, mánudaginn 30. apríl og verður lokahóf þess haldið í kvöld.
Keppendur gista í skólum, heimahúsum og stofnunum víða um bæinn og hafa sett svip sinn á bæjarlífið um helgina.
Vegna mótsins verður sundlauginni lokað í dag mánudag kl. 17:00.
Umfjöllun um mótið og myndir eru á vef Stjörnunnar.