Uppskeruhátíð Sumarlesturs
Uppskeruhátíð Sumarlesturs Bókasafns Garðabæjar var haldin laugardaginn 21. ágúst síðastliðinn.
-
Uppskeruhátíð Sumarlesturs 2021
Uppskeruhátíð Sumarlesturs Bókasafns Garðabæjar var haldin laugardaginn 21. ágúst sl. á Garðatorgi. Gunnar Helgason rithöfundur las úr hinni vinsælu bók Palla Playstation og nýrri bók sem ber heitið Drottningin sem kunni allt nema.... sem er væntanleg á næstu dögum, við mjög góðar undirtektir áheyrenda.
Þrír lestrarhestar voru dregnir úr lukkukassanum og allir virkir þátttakendur fengu glaðning. Hátt í 200 börn skráðu sig í sumarlestrarátakið og skiluðu þau um 400 umsagnarmiðum í lukkukassann. Þau sem voru dregin út á hátíðinni eru Ísey Hrönn 7 ára, Bjartur Þór 7 ára og Gunnar Helgi 7 ára. Sá sem átti metið í umsagnarmiðum, skilaði um 35 miðum og stóð við lestrarmarkmiðin sín, var Arnar Dagur 7 ára og fékk hann sérstaka viðurkenningu.
Við óskum öllum duglegu lestrarhestum sumarsins innilega til hamingju með frábæran lestrarárangur!