Beint í efni

Fé­lags­starf og hreyf­ing eldra fólks

Garðabær býður upp á fjölbreytt félagsstarf og námskeið fyrir eldra fólk í bænum. Markmiðið er að bjóða upp á skemmtilega samveru og heilsueflingu þar sem allir finna eitthvað við sitt hæfi.

Félagsstarf eldri borgara

Félagsstarfið fer fram á þremur stöðum í bænum í Jónshúsi, Lambamýri og Smiðjunni. Í Jónshúsi og Lambamýri er einnig félagsstarf á vegum Félags eldri borgara í Garðabæ og Félags eldri borgara á Álftanesi.

Fé­lags­mið­stöðvar eldri borg­ara

Fjölbreytt dagskrá

Eldra fólk getur tekið þátt í tómstundanámskeiðum, vinnustofum og opnum húsum. Auk þess halda hópar sjálfboðaliða úti fjölbreyttu félagsstarfi í húsnæði bæjarins og víðar.

Upplýsingar um félagsstarf má finna á eftirfarandi stöðum:

Fyrir nánari upplýsingar um félagsstarf og íþróttir eldra fólks getur þú haft samband við Sólveigu Valgeirsdóttur, forstöðumann félagsmiðstöðva eldra fólks í Garðabæ. 

Matur og kaffi í Jónshúsi

Í Jónshúsi er boðið upp á góðar veitingar og samveru:

  • Hádegismatur: Þú getur pantað heitan mat frá Matborðinu. Panta þarf matinn með dags fyrirvara í síma 512 1501. Það er hægt að borða á staðnum eða taka matinn með sér heim.
  • Kaffitería: Kaffiveitingar eru seldar alla virka daga, en boðið er upp á ókeypis kaffi fyrir gesti allan daginn.

Félög eldra fólks

Tvö öflug félög eldri borgara starfa í Garðabæ og bjóða upp á eigin dagskrá.

Félag eldri borgara í Garðabæ (FEBG)

Skrifstofa FEBG er í Jónshúsi, Strikinu 6, 210 Garðabæ.

Félag eldri borgara á Álftanesi (FEBÁ)

Skrifstofa FEBÁ er í Lambamýri, Lambamýri 1 , 225 Garðabæ.

Hreyfing og íþróttir

Garðabær tekur þátt í Björtum lífstíl, samstarfsverkefni Landssambands eldri borgara (LEB) og Íþrótta- og Ólympíusambands Íslands (ÍSÍ). Verkefnið leggur áherslu á heilsueflingu og hreyfingu fyrir fólk sem er 60 ára og eldra. Sjá hreyfingu í boði á landinu.

Fjöl­breytt tæki­færi til hreyf­ingar eru í boði í bæn­um

Námskeið og samstarfsaðilar

Eldra fólk getur sótt ýmis námskeið og hreyfitíma hjá samstarfsaðilum Garðabæjar.

Klifið

Klifið býður upp á fjölbreytt námskeið og hreyfitíma, þar á meðal Aqua Zumba, Aqua Yogalates og Aqua Tabata.

Gfit

Heilsuefling og þjálfun sem styður þol, styrk og liðleika, með áherslu á að hver og einn geti æft á sínum hraða.

Tilveran heilsusetur

Heilsustúdíó sem býður meðal annars upp á jóga fyrir eldra fólk, með áherslu á jafnvægi huga og líkama.