6. fundur

Lögð fram umsókn húsbyggjanda um að fellt verði niður ákvæði um gegnumgang á fyrstu hæð sem kemur fram í kafla 4.7.1. í greinargerð deiliskipulag Urriðaholts Norðurhluta 3.áfanga. Í ákvæðinu segir að stigahús fjölbýlishúsa skulu "að jafnaði" verða gegnumgegn á jarðhæð/inngangshæð "þar sem það á við". Á lóðinni háttar svo til að baklóðin er að mestu leyti ráðstafað fyrir sérnotareiti.

Skipulagstjóri tekur undir sjónarmið húsbyggjanda og gerir ekki athugasemd við að veitt verði byggingarleyfi fyrir fjölbýlishúsi án gegnumganga.

Húsbyggjandi leggur auk þess til að eitt húsnúmer falli niður, þ.e. nr. 18 í samræmi við byggingarleyfisumsókn. Skipulagsstjóri beinir því til tækni-og umhverfissviðs að gera breytingar á mæliblöðum í samráði við umráðendur annarra lóða við Vinastræti, þ.e. nr. 20, 22-28 og 30 en til þess að ekki falli út númer þarf að breyta hærri númerum því til samræmis.

Um ákvörðun skipulagsstjóra vísast til viðauka II við samþykkt bæjarstjórnar Garðabæjar nr.20/2017.

Skipulagsstjóri og byggingarfulltrúi hafa orðið þess varir að við Holtsveg nr. 5 hafa verið reistir skjólveggir sem eru ekki í samræmi við deiliskipulag Urriðaholts norðurhluta 2. Þar segir m.a. í grein 4.4.1.4. að skjólveggir skulu hannaðir með byggingu og gerð skil á aðaluppdráttum, að þeir skulu ekki vera hærri en 1,5 m yfir palli og að þeir skulu aldrei ná lengra en sem nemur helmingi af lengd lóðar frá húsvegg að lóðarmörkum. Þeir skjólveggir sem reistir hafa verið eru ekki í samræmi við ofangreind ákvæði og teljast því óleyfisframkvæmd. Fái veggirnir að standa eins og þeir eru útfærðir verða þeir fordæmisgefandi fyrir allt hverfið. Staðsetning þeirra er þar að auki á mjög áberandi stað við aðalinnkomu í hverfið. Þeir eru í andstöðu við markmið deiliskipulagsins.

Skipulagsstjóri leggur til að húseigendur breyti útfærslu veggjanna til samræmis við deiliskipulagákvæði. Leggja skal fram uppdrætti arkitekts hússins að útfærslunni eins og kveðið er á um í skilmálum.

Lögð fram tillaga lóðarhafa að eftirfarandi breytingum deiliskipulagsins:

-Breyting á inn/útskoti niðurgrafins byggingarhluta.

-Breyting á byggingarreit vegna svífandi byggingarhluta.

-Breyting á legu byggingarreits þannig að hann snúist lítillega.

Lögð fram umsögn deiliskipulagshöfundar um tillögurnar.

Skipulagsstjóri metur breytingar vegna svífandi byggingarhluta og legu byggingarreits sem óveulega breytingu deiliiskipulags Urriðaholts vesturhluta í samræmi við 2.mgr.43.gr.Skipulagslaga og vísar þeim til grenndarkynningar. Grenndarkynna skal eigendum lóðanna Dýjagata 13, 16 og 18. Heimilt er að stytta tíma grenndarkynningar ef þeir sem grenndarkynning nær til árita á uppdrátt að þeir geri ekki athugasemd við tillöguna.

Skipulagsstjór gerir ekki athugasemd við að við veitingu byggingarleyfis vegna inn- og útskota niðurgrafinna rýma sé vikið frá kröfu 2.mgr.43.gr.Skipulagslaga þar sem um óverulegt frávik er að ræða.

Um ákvörðun skipulagsstjóra vísast til viðauka II við samþykkt bæjarstjórnar Garðabæjar nr.20/2017.