7. fundur

Lagðir fram aðaluppdrættir parhúseingarinnar Kumlamýri 1 ásamt umsögn deiliskipulagshöfundar.

Með vísan í umsögn þá bendir skipulagsstjóri á að hávaxinn gróður meðfram lóðarmörkum eins og hann er sýndur á framlögðum útlitsuppdráttum er ekki í samræmi við deiliskipulag en þar segir m.a. í grein 5.3.13. í greinargerð að á þeim hluta lóðar sem snýr að opnum svæðum skuli aðeins gera ráð fyrir runnagróðri. Því skal annaðhvort breyta útlitsteikningu eða sækja um breytingu deiliskipulags hvað þetta ákvæði varðar.

Með vísan í umsögn deiliskipulagshöfundar varðandi útfærslu á hæð langveggja og heildarstærð þá gerir skipulagsstjóri ekki athugasemd við að við veitingu byggingarleyfis verið vikið frá kröfum 2.mgr. 43.gr. skipulagslaga nr.123/2010 sbr. 3.mgr. sömu greinar hvað þessi atriði varðar.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lagðir fram aðaluppdrættir parhúseingarinnar Kumlamýri 3 ásamt umsögn deiliskipulagshöfundar.

Með vísan í umsögn þá bendir skipulagsstjóri á að hávaxinn gróður meðfram lóðarmörkum eins og hann er sýndur á framlögðum útlitsuppdráttum er ekki í samræmi við deiliskipulag en þar segir m.a. í grein 5.3.13. í greinargerð að á þeim hluta lóðar sem snýr að opnum svæðum skuli aðeins gera ráð fyrir runnagróðri. Því skal annaðhvort breyta útlitsteikningu eða sækja um breytingu deiliskipulags hvað þetta ákvæði varðar.

Með vísan í umsögn deiliskipulagshöfundar varðandi útfærslu á hæð langveggja og heildarstærð þá gerir skipulagsstjóri ekki athugasemd við að við veitingu byggingarleyfis verið vikið frá kröfum 2.mgr. 43.gr. skipulagslaga nr.123/2010 sbr. 3.mgr. sömu greinar hvað þessi atriði varðar.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram umsókn um byggingarleyfi fyrir stækkun á húsi um 5,7 m2. Þar sem að deiliskipulag Hofstaðamýrar telst ekki í gildi þar sem það var samþykkt í bæjarstjórn áður en að fyrsta aðalskipulag Garðabæjar hafði tekið gildi hlýtur umsókn um byggingarleyfi ferli í samræmi við 44.gr. skipulagslaga nr.123/2010.

Skipulagsstjóri vísar umsókninni til grenndarkynningar samkvæmt ofangreindri lagagrein. Grenndarkynna skal eigendum Fífumýrar 15, Krókamýrar 16, 20, 32, 34 sem og Ljósamýrar 1.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram tillaga að óverulegri breytingu deiliskipulags Arnarness sem nær til lóðarinnar Mávanes 17 að lokinni grenndarkynningu. Tillagan gerir ráð fyrir smáhýsi (gróðurhús) sem er 15 fermetrar að grunnfleti eða 9 fermetrum meira en deiliskipulag Arnarness gerir ráð fyrir, 2,7 m að hæð sem er 50 cm hærra en deiliskipulag gerir ráð fyrir og nær lóðarmörkum en 3 metrar eins og deiliskipulag gerir ráð fyrir. Þar sem að undirritað samþykki þeirra sem grenndarkynning náði til lá fyrir (hús við Mávanes nr. 15,16,18,19 og 20) var tími hennar styttur sem því nemur sbr. 2.ml.3.mgr. sömu greinar. Engar athugasemdir bárust.

Tillagan skoðast í því samþykkt sem óveruleg breyting deiliskipulags Arnarness í samræmi við 2.mgr. 43.gr. skipulagslaga nr.123/2010.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram fyrirspurn þar sem óskað er eftir stækka palla og skjólgirðing í Urriðaholtsstræti 45-58. Lögð er fram umsögn deiliskipulagshöfundar. Þar kemur m.a. fram að jarðvegsmön utan lóðar meðfram Lindastræti á sér ekki stoð í deiliskipulagi. Umsækjandi vísar til hæðar jarðvegsmanar þegar óskað er eftir hærri girðingu/skjólvegg en deiliskipulagi heimilar.

Fyrirspurn vísað til skipulagsnefndar.

Lögð fram fyrirspurn húsbyggjanda um að breyta yfirborðsefni á bílastæðum samkvæmt lóðarskilmálum úr grassteini í malbik.

Lögð fram umsögn deiliskiplagshöfundar þar sem ekki er gerð athugasemd við að aksturssvæði við yfirbyggt bílastæði sé malbikað og yfirborðsvatni veitt að grænum svæðum á lóð.

Skipulagsstjóri gerir ekki athugasemd við að við veitingu byggingarleyfis verið vikið frá kröfum 2.mgr. 43.gr. skipulagslaga nr.123/2010 sbr. 3.mgr.sömu greinar hvað yfirborðsefni bifreiðastæðis varðar.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram umsókn um byggingarleyfi þar sem sótt er um að stækka lóðina til norðurs inn á grænt svæði við hlið lóðar. Lögð fram umsögn deiliskipulagshöfundar þar sem segir að lóðarhafi hafi steypt vegg út fyrir lóðamörk og óskar eftir að lóðin verði stækkuð sem því nemur. Töluverður hæðarmismunur er í götu og er steyptur stoðveggur á lóðamörkum ekki í samræmi við deiliskipulagsskilmála sem gerir ráð fyrir limgerði eða runnagróðri á lóðamörkum að götu en ekki stoðvegg. Girðingar á lóðamörkum skulu heldur ekki vera hærri en 0,9 m og gegnsæi þeirra skal aldrei vera minn en 50% en umræddur veggur uppfyllir hvorugt. Frágangur lóðarhafa er því ekki í samræmi við deiliskipulagskilmála jafnvel þótt lóð sé stækkuð þannig að steyptur veggur verði á lóðamörkum. Lóðarhafi hefur enn ekki gengið frá horni lóðarinnar þar sem bil myndast milli stoðveggja.

Skipulagsstjóri leggur til að lóðarhafi geri betur grein fyrir hvernig hann hyggist ganga frá lóð á lóðamörkum að grænu svæði þar sem gengið er frá fláa milli tveggja stoðveggja með möl.

Minnt er á að flái með grasi eða gróðri skal ekki vera brattari en 1:2 og skal grjóthlaðinn flái ekki bera brattari en 1:1,5. Öll stöllun lóðar skal gerð innan lóðarmarka.

Lögð fram umsókn um breytingu deiliskipulags Kjóavalla sem gerir ráð fyrir því að hesthúslóðirnar Sunnuvellir 4 og Sunnuvellir 6 sameinist í eina lóð Sunnuvellir 4-6.

Byggingarreitirnir eru tengdir með byggingarreit fyrir tengibyggingu samkvæmt deiliskipulagsbreytingu.

Skipulagsstjóri metur tillöguna sem óverulega breytingu deiliskipulags Kjóavalla í samræmi við 2.mgr.43.greinar skipulagslaga nr.123/2010.

Í samræmi við 2.ml.3.mgr.44.greinar sömu laga er fallið frá grenndarkynningu þar sem að deiliskipulagsbreytingin varðar ekki hagsmuni annarra en umsækjanda og Garðabæjar.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.