37. (2185). fundur

Egill Daði Gíslason, deildarstjóri umhverfis og framkvæmda og Guðbjörg Brá Gísladóttir sviðsstjóri umhverfissviðs gerðu grein fyrir stöðu sjóvarna á Álftanesi og Garðahverfi og fyrirhuguðum úrbótum vegna rofs sem hefur komið í sjóvarnargarða vegna ágangs veðurs.

Bæjarráð telur ástand sjóvarna í bænum óásættanlegt, enda mannvirki í eigu íbúa og sveitarfélagsins í hættu. Afar brýnt er að ekki verði tafir á fyrirhuguðum endurbótum Vegagerðarinnar á varnargörðum á Álftanesi og Hliðsnesi og þær hefjist á þessu ári. Ljóst er að framkvæmdaáætlun Vegagerðarinnar gengur ekki nægilega langt. Því er skorað á innviðaráðherra og umhverfis- og samgöngunefnd Alþingis að tryggja fjármögnun á frekari endurbótum á sjóvörnum innan Garðabæjar.

Bæjarráð samþykkir afgreiðslu byggingarfulltrúa að veita Garðabæ, kt. 570169-6109, leyfi fyrir innanhússbreytingum hjá Garðabæ á 5. hæð Garðatorgs 7.

Bæjarráð samþykkir afgreiðslu byggingarfulltrúa að veita Not ehf., kt. 580402-2750, leyfi til að breyta skrifstofurými (204) í íbúð að Gilsbúð 7.

Bæjarráð samþykkir afgreiðslu byggingarfulltrúa að veita Dverghömrum ehf., kt. 610786-1629, leyfi til að byggja fjölbýlishús með 14 íbúðum að Vorbraut 16.

Bæjarráð samþykkir afgreiðslu byggingarfulltrúa að veita ÞG Hnoðraholti ehf., kt. 660124-0470, leyfi fyrir byggingu 5 íbúða fjölbýlishúss að Þorraholti 3.

Bæjarráð samþykkir afgreiðslu byggingarfulltrúa að veita ÞG Hnoðraholti ehf., kt. 660124-0470, leyfi fyrir byggingu fjölbýlishúss með 5 íbúðum að Þorraholti 5.

Bæjarráð samþykkir afgreiðslu byggingarfulltrúa að veita ÞG Hnoðraholti ehf., kt. 660124-0470, leyfi fyrir byggingu 5 íbúða fjölbýlishúss að Þorraholti 9.

Í umsókninni kemur fram að sótt er um leyfi til reksturs Veitingaleyfis í flokki II - C veitingastofu og greiðasölu að Lambamýri 5. Bæjarráð gerir fyrir sitt leyti ekki athugasemdir við að umbeðið leyfi verði veitt, en með því skilyrði að afgreiðslutími áfengis verði til kl. 23:00 daginn fyrir frídaga en ekki miðnættis eins og fram kemur í umsókninni. Þannig beri umsækjanda að gæta hagsmuna nágranna m.t.t. opnunartíma.

Fyrirspurn frá ÖBÍ varðandi biðtíma eftir notendastýrðri persónulegri aðstoð (NPA) sem sveitarfélög veita á grundvelli laga nr. 38/2018 um þjónustu við fatlað fólk með langvarandi stuðningsþarfir.

Bæjarráð vísar fyrirspurninni til afgreiðslu hjá velferðarsviði.

Lögð fram kæra lóðarhafa við Fífumýri 13 vegna ábendinga kærenda um veruleg frávik frá grenndarkynningu á framkvæmdum að Fífumýri 15.

Bæjarráð felur Hjalta Steinþórssyni að gæta hagsmuna bæjarins í málinu.

Lagt fram erindi Byggðastofnunar vegna Byggðaráðstefnunnar 2025, sem haldin verður þriðjudaginn 4. nóvember 2025 í Skjólbrekku í Mývatnssveit. Yfirskrift ráðstefnunnar og viðfangsefni er "Félagslegur fjölbreytileiki samfélaga, jafnvægi, áskoranir eða vannýtt sóknarfæri?".

Bæjarráð tekur undir þau meginmarkmið kvennaverkfalls að hefðbundin kvennastörf, jafnt launuð sem ólaunuð, skuli meta að verðleikum. Stjórnendur hjá Garðabæ hafa verið hvattir til að huga að skipulag á starfsemi stofnana bæjarins geti verið með þeim hætti að sem að sem flestar konur og kvár geti tekið þátt í baráttudeginum, föstudaginn 24. október 2025, að hluta eða í heild. Mikilvægt er að þess verði gætt að nauðsynlegri þjónustu verði sinnt og að öryggi og heilsu fólks sé ekki stofnað í hættu. Jafnframt er mikilvægt að upplýsa þjónustuþega og viðskiptamenn bæjarins um mögulegar skerðingar á þjónustu.

Bæjarráð vísar bréfinu til úthlutunar styrkja samkvæmt fjárhagsáætlun 2026.