5. (2200). fundur

Edda Björg Sigurðardóttir grunn- og tónlistarskólafulltrúi kynnti innleiðingu gæða kennslustunda í grunnskólum í Garðabæ.

Anna Eygló Karlsdóttir, deildarstjóri barnaverndar, fór yfir stöðu og verkferla Garðabæjar vegna vistunar barna utan heimilis.

Snædís Björnsdóttir, lögfræðingur á velferðarsviði, gerði grein fyrir helstu ákvæðum reglna Garðabæjar um fjárhagsaðstoð.

Bæjarráð vísar drögum að reglum Garðabæjar um fjárhagsaðstoð, með gildistíma frá og með 10. febrúar 2025, til afgreiðslu bæjarstjórnar.

Bæjarráð samþykkir afgreiðslu byggingarfulltrúa að veita Golda ehf., kt. 501122-1730, leyfi fyrir byggingu einbýlishúss að Stekkholti 16.

Hrannar Bragi Eyjólfsson vék af fundi við afgreiðslu málsins.

Bæjarráð samþykkir afgreiðslu byggingarfulltrúa að veita Byggingarfélagi Gylfa og Gunnars hf., kt. 681290-2309, leyfi fyrir byggingu fjölbýlishúss með 14 íbúðum að Vorbraut 2.

Bæjarstjóri gerði grein fyrir viðræðum við Fjármála- og efnahagsráðuneytið vegna byggingarréttar og gatnagerðargjalda Meðferðarheimilis að Friðarvöllum 1.

Bæjarráð samþykkir að veita bæjarstjóra umboð til að ganga til samninga við Fjármála- og efnahagsráðuneytið um makaskipti og afsal vegna byggingaráforma Meðferðarheimilis að Friðarvöllum 1, þ.a. ríkið afsali sér Spítalavegi 2 (Sunnuhvoli) til Garðabæjar sem endurgjald lóðarinnar Friðarvelli 1, með byggingarheimildum. Jafnframt felur bæjarráð umhverfissviði að hefja undirbúning gatnagerðarframkvæmda vegna byggingaráformanna.

Lögð fram umsókn Pútts og potta ehf. um veitingaleyfi í Flokki II - A veitingahús í fl. II í golfskála Golfklúbbsins Odds, ásamt leyfi til útiveitinga.

Bæjarráð gerir ekki athugasemdir við að umbeðið leyfi verði veitt.

Bæjarráð samþykkir að leggja til við bæjarstjórn að samþykkja tillögu að breytingum á reglum um greiðslur vegna dvalar barna úr Garðabæ hjá dagforeldrum.

Lagt fram erindi SSH vegna viðbragðsteymis vegna ofbeldis meðal barna, ásamt samstarfsyfirlýsingu vegna þátttöku Barna- og fjölskyldustofu (BOFS) og Lögreglunnar á höfuðborgarsvæðinu í miðlægu bráða- og viðbragðsteymi vegna ofbeldis meðal barna.



Bæjarráð vísar erindinu til úrvinnslu á velferðarsviði og fræðslu- og frístundasviði.

Lögð fram skýrsla forsætisráðuneytisins vegna brúunar umönnunarbilsins milli fæðingarorlofs og leikskóla.

Bæjarráð tekur undir bókun stjórnar SSH frá fundi stjórnarinnar 2. febrúar sl. um mikilvægi þess að sveitarfélögin á höfuðborgarsvæðinu séu kölluð að borðinu við vinnuna og að tillögur skýrslunnar séu skoðaðar og ígrundaðar vel, en samkvæmt skýrslunni er mjög skammur tími ætlaður til undirbúnings og viðræðna vegna þeirra. Bæjarráð vísar málinu til skoðunar á fræðslu- og frístundasviði.

Lagt fram.

Lagt fram.

Í bréfinu er boðað til landsþings Sambands íslenskra sveitarfélaga sem haldið verður dagana 23.-25. september 2026 á Akureyri.

Lagt fram.