5. (2058). fundur

Sviðsstjóri umhverfissviðs upplýsti að verið er að bíða eftir niðurstöðum greiningar úr síðustu sýnatökum sem eru liður í heildarúttekt á húsnæði Flataskóla og Hofsstaðaskóla. Framkvæmd var sótthreinsun í húsnæði skólanna um síðustu helgi. Fram kom að unnið er að undirbúningi uppsetningar á lausum kennslustofum á skólasvæði við Flata- og Garðaskóla ásamt því að verið er að skoða aðra tímabundna valkosti varðandi húsnæði fyrir skólana. Sagt var frá því að starfsemi leikskóladeildar Flataskóla hefur verið færð í Urriðaból í Kauptúni.

Lúðvík Hjalti Jónsson, fjármálastjóri kom á fund bæjarráðs og gerði grein fyrir tillögu um lántöku hjá Lánasjóði sveitarfélaga samtals að fjárhæð kr. 600.000.000. Lánið er jafngreiðslulán til 17 ára, verðtryggt með 3,05% föstum vöxtum og án uppgreiðsluheimildar. Í skilmálum lánssamnings kemur fram að tilgangur lánsins er fjármögnun á verkefni sem hefur almenna efnahagslega þýðingu og uppfyllir skilyrði sem sett eru fram í grænni umgjörð sjóðsins, nánar tiltekið fjármögnun á byggingu svansvottaðs leikskóla. Verkefnið telst þess eðlis að hafa jákvæð áhrif á umhverfið og sporna gegn loftslagsbreytingum. Bæjarráð vísar afgreiðslu málsins til bæjarstjórnar. Fyrir liggja drög að lánssamningi.

Bæjarráð samþykkir afgreiðslu byggingarfulltrúa að veita Emil Steindóri Friðfinnssyni, kt. 121266-5129, leyfi til að stækka bílgeymslu við einbýlishúsið að Aratúni 4.

Bæjarráð samþykkir að afgreiðslu byggingarfulltrúa að veita Siggeiri Fannari Brynjólfssyni, kt. 080180-5869, leyfi fyrir viðbyggingu við núverandi einbýlishús að Sunnuflöt 21.

Bæjarráð samþykkir að vísa erindinu til úthlutunar styrkja samkvæmt fjárhagsáætlun 2023

Í bréfinu er boðað til XXXVIII. landsþings Sambands íslenskra sveitarfélaga föstudaginn 31. mars 2023.

Um er að ræða erindi á grundvelli þriggja skriflegra fyrirspurna sem lagðar hafa verið fram á Alþingi.

Bæjarráð felur bæjarstjóra að hlutast til um að svara erindi ráðuneytisins.

Um er að ræða samning við landeiganda um uppbyggingu íbúðarbyggðar samkvæmt deiliskipulagi við Víðiholt á Álftanesi. Gert er ráð fyrir tveimur fjölbýlishúsum með samtals 50 íbúðum og 20 raðhúsum.

Bæjarráð leggur til við bæjarstjórn að samþykkja samninginn.

Lögð fram tilkynning frá innviðaráðuneytinu varðandi hækkun tekju- og eignamarka vegna sérstaks húsnæðisstuðnings fyrir árið 2023. Bæjarráð samþykkir að hækka viðmið um hámark sérstaks húsnæðisstuðnings samkvæmt 4. gr. reglna Garðabæjar um sérstakan húsnæðisstuðning um sama hlutfall og hækkun tekju- og eignamarka ráðuneytisins eða úr kr. 90.200 í 102.500.

Um er að ræða erindi sem sent er að beiðni Alþings til sveitarfélaga um gagnaöflun í framhaldi af skýrslu um tjón af völdum rakaskemmda og myglusvepps í leiks- og grunnskólum og áhrif þeirra á starfsemi og heilsu.

Bæjarráð felur bæjarstjóra að svara spurningarlista ráðuneytisins.