9. (1918). fundur

Lögð fram.

Lagt fram.

Lagt fram.

Lagt fram.

Bæjarráð samþykkir að leggja til við bæjarstjórn að samþykkja beiðni stjórnar SORPU bs. um heimild til að auka tímabundið skammtímalántöku allt að 600 mkr. í formi yfirdráttarheimildar umfram forsendur fjárhagsáætlunar 2020. Tilgangur lántökunnar er til að skapa stjórnendum félagsins nauðsynlegt svigrúm til að undirbúa endurskoðun fjárhagsáætlunar og leggja grunn að traustri fjármálastjórn félagsins.

Sara Dögg Svanhildardóttir situr hjá við afgreiðslu málsins og leggur fram eftirfarandi bókun.

„Sveitarstjórnir þeirra sveitarfélaga sem eiga og reka Sorpu bs. bera endanlega ábyrgð á rekstri byggðasamlagsins. Því er það mat Garðabæjarlistans að bæjarfulltrúar fái að sjá og leggja mat á þær áætlanir sem liggja til grundvallar þeirri lánveitingu sem er til afgreiðslu. Ef bæjarfulltrúar eiga að bera ábyrgð á rekstri Sorpu þá er nauðsynlegt við kringumstæður eins og félagið er í núna að þeir fái að sjá þær áætlanir sem byggt er á.

Því kalla ég eftir eftirfarandi upplýsingum:

Bráðabirgðar ársreikning 2019.

Bráðabirgðaráætlun 2020.

Úttekt Mannvits á heildarkostnaði vegna GaJa.“

Fylgiskjöl

• SORPA bs. - Erindi til borgarráðs og bæjarráða 24.02.2020.pdf

Sviðsstjóri fræðslu- og menningarsviðs gerði grein fyrir tillögu starfshóps um val á verkefnum.

Bæjarráð þakkar starfshópnum sem skipaður er fulltrúum allra sviða fyrir vandaða vinnu og telur að góð rök liggi að baki niðurstöðum um val á einstaka verkefnum. Bæjarráð samþykkir að áfram verði unnið með þau verkefni sem starfshópurinn hefur valið

Bæjarráð samþykkir að vísa tillögu starfshópsins til umfjöllunar í fastanefndum bæjarstjórnar.

Fylgiskjöl

• Val yfirmarkmiða - bra 04.03.2020.pdf

Bæjarráð þakkar bréfið og felur bæjarstjóra að svara bréfritara.

Fylgiskjöl

• Bréf til bæjarstjóra

Bæjarstjóri gerði grein fyrir fundi með grunnstoðum þar sem málið kom til umræðu.

Bæjarráð felur bæjarstjóra að ræða við fulltrúa í stjórn Foreldrafélags Sjálandsskóla til að fara nánar yfir með hvaða hætti megi tryggja sem best öryggi barna á skólalóð Sjálandsskóla.

Bæjarráð vísar erindinu til tækni- og umhverfissviðs í tengslum við undirbúning að gerð umferðaröryggisáætlunar Garðabæjar.

Fylgiskjöl

• Opið bréf til bæjarstjórnar frá stjórn foreldrafélags Sjálandsskóla.pdf

Bæjarráð lýsir yfir eindregnum stuðningi við beiðni Hrafnistu um fjölgun dagdvalarýma á Ísafold.

Fram kom að málið hefur verið kynnt í öldungaráði og unnið er að því í samvinnu Hrafnistu og þjónustumiðstöðvar Ísafoldar.

Fylgiskjöl

• Beiðni Hrafnistu um fjölgun dagdvalarrýma, dgs. 20.02.20.pdf

Í framhaldi af fyrsta smiti kórónaveiru (Covid19) hefur ríkislögreglustjóri í samráði við sóttvarnalækni virkjað hættustig almannavarna.

Bæjarstjóri gerði grein fyrir stöðuskýrslu sem lögð var fram á fundi almannavarnanefndar föstudaginn 28. febrúar sl. Þar er m.a. farið yfir opinberar aðgerðir.

Boðað hefur verið til fundar forstöðumanna stofnana og bæjarfulltrúa með slökkviliðsstjóra í dag kl. 08:45.

Bæjarverkfræðingur gerði grein fyrir að virkjaður hefur verið samstarfsvettvangur við sorphirðuverktaka um áætlun um meðhöndlun úrgangs og smithættu af úrgangi vegna heimsfaraldurs.

Fyrir liggja áætlanir hjá sorphirðuverktaka varðandi málið sem unnar eru samkvæmt leiðbeiningum yfirvalda.

Fylgiskjöl

• Áætlun um meðhöndlun úrgangs og smithættu af úrgangi vegna heimsfaraldurs.pdf
• Verklagsreglur vegna smithættu af sorpi og meðhöndlun úrgangs vegna heimsfaraldurs.pdf