46. (2147). fundur

Á fund bæjarráðs mættu Páll Björgvin Guðmundsson framkvæmdastjóri Samtaka sveitarfélaga á höfuðborgarsvæðinu og Ragnar Þórir Guðgeirsson, ráðgjafi hjá Expectus og kynntu stöðu fyrirkomulags almenningssamgangna ríkis og sveitarfélaga á höfuðborgarsvæðinu. Hildigunnur Hafsteinsdóttir, lögfræðingur Samtaka sveitarfélaga á höfuðborgarsvæðinu og Ásthildur Helgadóttir, sviðsstjóri umhverfissviðs Kópavogs, sátu fundinn undir þessum dagskrárlið.

Bæjarráð samþykkir afgreiðslu byggingarfulltrúa að veita Grásteinsmýri ehf., kt. 510220-1960, leyfi til að byggja tvo fjölbýlishús á 3 hæðum með 42 íbúðum, hjólaskýli og djúpgámum að Grásteinsmýri 2.

Bæjarráð samþykkir afgreiðslu byggingarfulltrúa að veita Vetrarmýrinni ehf., kt. 550121-1580, leyfi fyrir byggingu 4 hæða og 5 hæða fjölbýlishúss með 135 íbúðum að Vetrarbraut 1.

Sviðsstjóri fjármála- og stjórnsýslusviðs gerði grein fyrir framlögðu minnisblaði um sölu á byggingarréttum lóða í Garðabæ.

Bæjarráð samþykkir að leggja til við bæjarstjórn að samþykkja gjaldskrá akstursþjónustu fatlaðs fólks.

Lagðar fram sameiginlegar reglur Samtaka sveitarfélaga á höfuðborgarsvæðinu um sameiginlega akstursþjónustu fatlaðs fólks á höfuðborgarsvæðinu, sem undirritaðar voru 2. desember 2024.

Bæjarráð leggur til við bæjarstjórn að samþykkja framangreindar reglur.

Lagður fram.

Í bréfinu kemur fram að áformað er að veita framlag úr ríkissjóði til að standa straum af hluta kostnaðar vegna barna með fjölþættan vanda og/eða miklar þroska- og geðraskanir sem vistuð eru utan heimilis árið 2024. Bæjarráð vísar málinu til afgreiðslu bæjarstjóra.

Bæjarráð samþykkir að óska eftir tilnefningum frá bæjarbúum um "Garðbæinginn okkar 2024" þar sem leitast verði við að verðlauna einstakling fyrir sitt framlag til Garðabæjar, þeim sem eru til fyrirmyndar á einhvern hátt og minna á að allir geta haft áhrif. Til greina koma Garðbæingar, en einnig fólk sem dvelur í bænum til lengri eða skemmri tíma og hefur jákvæð áhrif á nærumhverfi sitt.

Bæjarráð felur þróunar- og þjónustusviði afgreiðslu málsins og að skipa dómnefnd sem leggi mat á framkomnar tilnefningar.

Beiðni góðgerðarfélagsins Miðstöðvar slysavarna barna um styrk.

Bæjarráð vísar erindinu til afgreiðslu við úthlutun styrkja samkvæmt fjárhagsáætlun 2025.

Lögð fram umsókn Kvenfélags Álftaness um tækifærisleyfi vegna áfengisveitinga á þorrablóti í íþróttahúsi Álftaness 1. febrúar 2025.

Bæjarráð gerir ekki athugasemdir við að umbeðið leyfi verði veitt.

Lagt fram.

Lagt fram.

Lagt fram erindi Sveitarstjórnarþings Evrópuráðsins þar sem kallað er eftir ungmennafulltrúum frá öllum 46 aðildarríkjunum sem vilja taka þátt í átaksverkefninu "Rejuvinating Politics.".

Bæjarráð vísar erindinu til fræðslu- og menningarsviðs og til umfjöllunar í ungmennaráði.