8. (848). fundur

Sigurður Guðmundsson, ræddi 7. tl. og 9 tl., afgreiðslu skipulagsnefndar varðandi tillögu að deiliskipulagi Gálgahrauns og Garðahrauns efra og vakti athygli á að um er að ræða tillögu um forkynningu og íbúafund sem þegar hefur verið haldinn.

Fundargerðin sem er 20 tl. er samþykkt samhljóða.

Sigurður Guðmundsson, ræddi 8. tl., afgreiðslu skipulagsnefndar varðandi tillögu að deiliskipulagi fyrir Garðahraun og gerði grein fyrir breytingum sem lagðar eru til við þá tillögu sem kynnt var.

Jóna Sæmundsdóttir, ræddi 8. tl., afgreiðslu skipulagsnefndar varðandi tillögu að deiliskipulagi fyrir Garðahraun og sagði frá afgreiðslu málsins í umhverfisnefnd þar sem fram kom stuðningur við tillöguna með áorðnum breytingum.

Ingvar Arnarson, ræddi 8. tl., afgreiðslu skipulagsnefndar varðandi tillögu að deiliskipulagi fyrir Garðahraun.

Guðfinnur Sigurvinsson, ræddi 8. tl., afgreiðslu skipulagsnefndar varðandi tillögu að deiliskipulagi fyrir Garðahraun.

Almar Guðmundsson, ræddi 2. tl., erindi Stjörnunnar um endurnýjun samstarfssamnings.

Harpa Þorsteinsdóttir, ræddi 2. tl., erindi Stjörnunnar um endurnýjun samstarfssamnings.

Björg Fenger, ræddi 2. tl., erindi Stjörnunnar um endurnýjun samstarfssamnings og 26. tl., bréf mennta- og menningarmálaráðherra um íþróttastefnu.

Gunnar Einarsson, ræddi 2.tl., erindi Stjörnunnar um endurnýjun samstarfssamnings. Gunnar vakti athygli á að á aðalfundi Stjörnunnar sem haldinn var 7. maí sl. var bæjarritara veitt heiðursviðurkenning, gullstjörnu með lárviðarsveig en þeir sem þá viðurkenningu hljóta teljast heiðursfélagar Stjörnunnar. Þá ræddi Gunnar 15. tl., afgreiðslu skipulagsnefndar varðandi tillögu að breytingu á deiliskipulagi Hnoðraholts Vetrarmýrar og sagði frá fundi með íbúum Hnoðraholts um skipulagsmál.

Fundargerðin sem er 28 tl. er samþykkt samhljóða.

Áslaug Hulda Jónsdóttir, kvaddi sér hljóðs og bar upp fyrirspurn um stöðu mála varðandi undirbúning við móttöku flóttamanna.

Gunnar Einarsson ræddi sama mál og svaraði fyrirspurn.

Fundargerðin er lögð fram.

Gunnar Valur Gíslason, ræddi 1. tl., jazzhátíð Garðabæjar og lýsti ánægju með undirbúning og framkvæmd hátíðarinnar. Gunnar Valur færði Sigurði Flosasyni, listrænum stjórnanda hátíðarinnar sérstakar þakkir fyrir hans hlutdeild. Þá ræddi Gunnar Valur 2. tl., samstarf við Grósku, 5. tl. menningaruppskeruhátíð 2019 og 6. tl., fyrirhugaðan sameiginlegan fund menningar- og safnanefndar og stjórn Hönnunarsafns Íslands.

Áslaug Hulda Jónsdóttir, ræddi 3. tl., hvatningarsjóð ungra listamanna og 2. tl., samstarf við Grósku. Áslaug Hulda fjallaði sérstaklega um samstarf við Grósku um Jónsmessugleði.


Björg Fenger, 3. tl., hvatningarsjóð ungra listamanna og 2. tl., samstarf við Grósku. Björg lýsti sérstakri ánægju með vel heppnaða sumarsýningu Grósku á göngugötunni við Garðatorg.

Almar Guðmundsson, kvaddi sér hljóðs og vakti athygli á vorsýninu eldri borgara í Garðabæ í Jónshúsi.

Guðfinnur Sigurvinsson, ræddi 2. tl., samstarf við Grósku og Jónsmessugleðina.

Gunnar Valur Gíslason, ræddi 2. tl., samstarf við Grósku og Jónsmessugleðina.

Fundargerðin er lögð fram.

Sigurður Guðmundsson, ræddi almennt um helstu verkefni skipulagsnefndar og vék sérstaklega að því verkefni að endurnýja og staðfesta deiliskipulög fyrir eldri hverfi.

Fundargerðin er lögð fram.

Fundargerðin er lögð fram.

Ingvar Arnarson, ræddi 1. tl., félagsdóm, 4. tl., búsetu í atvinnuhúsnæði og 6. tl. önnur mál - viðbragðstíma slökkviliðsins í alþjóðlegu samhengi.

Gunnar Einarsson, ræddi sömu mál og svaraði fyrirspurnum.

Áslaug Hulda Jónsdóttir, ræddi 4. tl., búsetu í atvinnuhúsnæði.

Fundargerðin er lögð fram.

Ingvar Arnarson, ræddi 7. tl., ferðaþjónustu fyrir fatlað fólk.

Björg Fenger, ræddi sama mál og svaraði fyrirspurn.

Gunnar Einarsson, ræddi 7. tl., ferðaþjónustu fyrir fatlað fólk.

Fundargerðin er lögð fram.

Björg Fenger, ræddi 4. tl., persónuverndarstefnu Strætó bs. og 5. tl., önnur mál ? könnun um aðgengi fatlaðs fólks að strætisvögnum og biðstöðvum Strætó.

Fundargerðin er lögð fram.

Gunnar Einarsson, gerði grein fyrir tillögu að samkomulagi um samstarf um tæknilegan og fjárhagslegan undirbúning að lagningu hágæða almenningssamgangna á höfuðborgarsvæðinu (Borgarlínu).

,,Bæjarstjórn Garðabæjar samþykkir samkomulag um tæknilegan og fjárhagslegan undirbúning 2019-2020 vegna lagningu Borgarlínu enda liggi fyrir samkomulag allra sveitarfélaga á höfuðborgarsvæðinu. Framlag sveitarfélaganna kr. 500 mkr er með fyrirvara, sbr. 5. tl. samkomulagsins þar sem fram kemur að gert er ráð fyrir sama framlagi frá ríki og að samkomulag náist milli ríkis og sveitarfélaga um uppbyggingu samgangna á höfuðborgarsvæðinu til ársins 2033."

Bæjarstjórn samþykkir að leggja fram eftirfarandi bókun við afgreiðslu málsins.

Bæjarstjórn Garðabæjar fagnar fyrirliggjandi samningum um undirbúning að lagningu Borgarlínunnar. Um er að ræða tæknilegan og fjárhagslegan undirbúning að hágæða almenningssamgöngum á höfuðborgarsvæðinu og fyrirkomulag og verkefnaskiptingu Vegagerðarinnar og SSH vegna þessa. Verkefnið er mikilvægur liður í því samkomulagi sem unnið er að á milli ríkisins og sveitarfélaganna um uppbyggingu samgangna á höfuðborgarsvæðinu til ársins 2033. Samkvæmt erindisbréfi starfshóps sem vinnur að því er markmiðið að komast að samkomulagi um fjármögnun 102 milljarða fjárfestingaráætlunar í samgöngumálum á höfuðborgarsvæðinu, eða um 7 milljarða á ári í 15 ár. Uppbygging samgangna á höfuðborgarsvæðinu, stofnbrauta, almenningssamgangna og hjóla- og göngustíga, er afar brýnt viðfangsefni til að ná fram markmiðum um betra umferðarflæði, meira öryggi vegfarenda og til að draga úr mengun á svæðinu. Samþykkt á fyrirliggjandi samkomulagi um næstu skref hvað almenningssamgöngurnar varðar er mikilvæg en framhald heildaruppbyggingar samgöngumannvirkjanna ræðst síðan af því hvort ásættanlegt samkomulag náist á milli ríkis og sveitarfélaga.

Gunnar Einarsson, gerði grein fyrir eftirfarandi tillögu um lántöku hjá Lánasjóði sveitarfélaga að fjárhæð kr. 500.000.000.

,,Bæjarstjórn Garðabæjar samþykkir hér með á bæjarstjórnarfundi að taka lán hjá Lánasjóði sveitarfélaga að höfuðstól allt að kr. 500.000.000 með lokagjalddaga þann 5. apríl 2034, í samræmi við skilmála að lánasamningi sem liggja fyrir á fundinum og sem bæjarstjórn hefur kynnt sér. Bæjarstjórn samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar) standi tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga. Er lánið tekið til fjármögnunar á byggingu grunnskóla í Urriðaholti og viðbyggingu við grunnskóla á Álftanesi sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Gunnari Einarssyni, bæjarstjóra, kt. 250555-4079, veitt fullt og ótakmarkað umboð til þess f.h. Garðabæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns."

Bæjarstjórn samþykkir samhljóða tillögu um lántöku hjá Lánasjóði sveitarfélaga að fjárhæð kr. 500.000.000, fimmhundruðmilljónirkróna.

Áslaug Hulda Jónsdóttir, kvaddi sér hljóðs og lagði fram eftirfarandi tillögu sem hún flytur ásamt Jónu Sæmundsdóttur og Guðfinni Sigurvinssyni.

,,Bæjarstjórn Garðabæjar samþykkir að fela umhverfis- og tæknisviði að taka saman upplýsingar um kolefnislosun sveitarfélagsins. Auk þess að koma með tillögur um leiðir og aðgerðir til að draga úr losun og auka kolefnisbindingu í sveitarfélaginu með það að markmiði að kolefnisjafna starfsemi sveitarfélagsins."

Greinargerð:

Baráttan við loftlagsbreytingar af mannavöldum er eitt stærsta viðfangsefni samtímans.

Í aðgerðaráætlun ríkisstjórnarinnar í loftlagsmálum er unnið eftir markmiðum Parísar-samningsins til 2030 og stefnt er að kolefnishlutleysi á Íslandi árið 2040. Orkuskipti í samgöngum og átak í kolefnisbindingu eru tvö helstu áhersluatriði þessarar aðgerðaáætlunar.

Umhverfisstofnun Sameinuðu þjóðanna telur að 70% til 90% nauðsynlegra aðgerða í loftlagsmálum séu bundin sveitarstjórnarstiginu. Hér gegna sveitarfélögin því lykilhlutverki. Það er því mikilvægt að sveitarfélögin taki þátt í þessu mikilvæga verkefni af fullum þunga og horfi þar til samgangna, endurheimtur votlendis, úrgang, flokkun og aðrar grænar lausnir með það að markmiði að fækka sótsporum í starfsemi sveitarfélagsins.

Jóna Sæmundsdóttir, tók til máls.

Guðfinnur Sigurvinsson, tók til máls.

Harpa Þorsteinsdóttir, tók til máls.

Ingvar Arnarson, tók til máls.

Tillagan samþykkt samhljóða.