1. fundur

Tekið er fyrir mál nr. 1911163 endurskoðun lýðræðisstefnu Garðabæjar. Sunna Stefánsdóttir gerði grein fyrir stöðu og tímalínu í vinnu starfshóps um endurskoðun.

Jafnréttisstofa hefur móttekið og yfirfarið jafnréttisáætlun Garðabæjar, sbr. tölvupóst dags. 09.01.20, og metur það sem svo að áætlunin uppfylli kröfur laga nr. 10/2008 um jafna stöðu kvenna og karla.

Forstöðumaður heimilis fatlaðs fólks í Sigurhæð sendi inn athugasemdir varðandi atriði í jafnréttisáætluninni sem hann vill koma á framfæri við fjölskylduráð Garðabæjar.

Mál nr. 1909205 lagt fram til kynningar og umræðu. Jafnréttisstofa hefur móttekið og yfirfarið jafnréttisáætlun Garðabæjar, sbr. tölvupóst dags. 09.01.20, og er það mat Jafnréttisstofu að áætlunin uppfylli kröfur laga nr. 10/2008 um jafna stöðu kvenna og karla.

Forstöðumaður heimilis fyrir fatlað fólk í Sigurhæð sendi inn athugasemdir varðandi tvö atriði í lið 3 og 3.4 í jafnréttisáætluninni sem hann vill koma á framfæri við fjölskylduráð Garðabæjar.

Fjölskylduráð þakkar forstöðumanni fyrir góðar ábendingar og mun leggja til við bæjarstjórn tillögu að eftirfarandi breytingum á texta:

Fyrsta setning í lið 3 verði eftir breytingu: "Sveitarfélög gegna veigamiklu hlutverki sem veitendur þjónustu, má þar m.a.nefna menntun barna og unglinga, tómstunda- og íþróttastarf, þjónustu við fatlað fólk og aldraðra."

Liður 3.4. verði eftir breytingu:

"3.4. Málefni aldraðra

Unnið skal að því með markvissum hætti að tryggja fjölbreytt framboð af tómstunda-og íþróttastarfi fyrir aldraða. Til dæmis með samningum við frjáls félagasamtök og einstaklinga sem sérhæfa sig í þjónustu við eldri borgara."

Við bætist svo liður 3.5. sem verði þannig:

"3.5. Málefni fatlaðs fólks

Unnið skal að því með markvissum hætti að tryggja fjölbreytt framboð af tómstunda-og íþróttastarfi fyrir fatlað fólk. Til dæmis með samningum við frjáls félagasamtök og einstaklinga sem sérhæfa sig í þjónustu við fólk með fötlun."

Tekið er fyrir mál nr. 2001081 beiðni um undaþágu í tengslum við umsókn um stuðningsþjónustu. Á fundinum undir þessum lið situr framkvæmdastjóri stuðnings- og öldrunarþjónustu. Nánar er bókað um málið í trúnaðarmálahluta fundargerðar.

Tekið er fyrir mál nr. 1907114 drög að reglum um akstursþjónustu aldraðra í Garðabæ. Drögin hafa þegar verið lögð fyrir Öldungaráð Garðabæjar sem tók jákvætt í fyrirliggjandi drög og gerði ekki athugasemdir.

Fjölskylduráð fjallar um drögin og samþykkir að senda þau til frekari afgreiðslu bæjarráðs Garðabæjar.

Lagt er fram mál nr. 1805129 áframhaldandi samstarf um ferðaþjónustu fyrir fatlað fólk.

Málið verður sent til umfjöllunar hjá Samráðshópi um málefni fatlaðs fólks.