13. fundur

Drög að Lýðræðistefnu ásamt viðaukum hefur verið send til umsagnar hjá nefndum Garðabæjar og einnig kynnt á vef Garðabæjar þar sem íbúum gafst kostur á að senda inn ábendingar og athugasemdir.

Farið verður yfir bókanir nefnda og athugasemdir frá íbúum, ásamt því að skoða stefnuna með hliðsjón af öðrum ábendingum.

Hulda Hauksdóttir, upplýsingastjóri, situr fundinn undir þessum lið og kynnir stöðu málsins. Starfsmenn munu senda á nefndarmenn þeirra nefnda innan stjórnsýslu sveitarfélagsins sem ekki hafa tekið drögin til umfjöllunar beiðni um athugasemdir og tillögur að breytingum. Drögin verða í kjölfarið lögð fyrir að nýju á næsta fundi fjölskylduráðs til samþykktar stefnunnar í endanlegri útgáfu.

Lagt er fram til kynningar samantekt starfshóps á kostnaðarþróun sveitarfélaga á þjónustu við fatlað fólk árin 2018, 2019 og 2020.

Samantekt starfshóps á kostnaðarþróun sveitarfélaga á þjónustu við fatlað fólk árin 2018-2020 er lögð fram til kynningar og starfsmenn svara spurningum ráðsins.

Lagt er fram til kynningar breytt skipulag barnaverndar, sbr. breytingar á barnaverndarlögum.

Breytingarnar taka gildi að loknum sveitarstjórnarkosningum, þ.e.þann 28. maí 2022.

Breytt skipulag barnaverndar lagt fram til kynningar og tekið til umræðu.

Tillaga Garðabæjarlistans um endurskoðun reglna Garðabæjar um úthlutun félagslegra íbúða lögð fram og rædd. Fjölskylduráð samþykkir tillöguna og leggur til að starfsfólk fjölskyldusviðs taki til endurskoðunar reglurnar og komi með tillögur að úrbótum.