35. fundur

Lýðræðisstefna Garðabæjar er í endurskoðun. Starfshópur þvert á svið Garðabæjar hefur nú lagt drög fram til umsagnar í nefndum bæjarins og fyrir almenning á vefsíðu bæjarins. Hulda Hauksdóttir kynnti þau drög sem liggja fyrir.

ÍTG fagnar framkomnum tillögum og hvetur fólk til að kynna sér þessi nýju drög vel.

Nýlega for fram Ungmennaþing í Flataskóla. Formaður Ungmennaráðs greinir frá helstu niðurstöðum þess og öðrum málefnum sem á ungmennum brenna í dag.

Tómas þór Jakobsen fór yfir hlutverk Ungmennaráðs og starfsemi. Fyrir dyrum stendur kynningarátak meðal elstu bekkja grunnskólanna í Garðabæ. Fulltrúar URG finna fyrir auknum áhuga bæjaryfirvalda á því að virkja ráðið og gefa þeim verðug verkefni s.s. í forvarnavikunni og að halda ungmennaþing, auk þess eru þau virk inni í vinnu við innleiðingu á "Barnvænu samfélagi".

Forstöðumenn félagsmiðstöðva unglinga í Garðabæ fóru yfir starfsemina á hverjum stað. Verið er að virkja 7. bekkinga í Urriðaholtsskóla með miðdeild Sjálandsskóla. Klakinn og Elítan vinna saman við að setja upp böll og samstarf við Garðalund er líka alltaf að aukast. Ýmsir viðburðir hafa legið niðri eða verið óreglulegir í Covid og lítið starf með foreldrum. Mikil nýbreytni hefur sprottið upp og gamlar hefðir eru að lifna aftur. Tækifæri til breytinga og að ná til einstaklinga sem ekki hafa áður fundið sig í starfinu. Mikið er lagt upp úr því að unglingarnir sjái sjálf um alla skipulagningu. Garðalundur hefur umsjón með miðdeildaropnun fyrir 7. bekk í Flataskóla og Hofsstaðaskóla. Kallað er eftir auknu fjármagni í miðdeildarstarfið almennt.

Sameiginleg starfsemi Klakans, Elítunnar og Garðalundar eru með Götuvaktina á föstudögum og einstaka böll.

Elítan á Álftanesi hefur haft miðdeildarstarf fyrir 5.-7. bekk en finna þörf á að hafa 7. bekk á sér kvöldi. Stefna að opnun 8.-10.b þrjú kvöld í viku eins og Garðalundur. Finna mikla þörf á að hafa opið oftar. Sérstaða Elítunnar er að vera í sínu húsnæði utan skólans. Elítan er alltaf með opið á morgnana í frímínútum fyrir skólakrakkana.

ÍTG fagnar starfi Asparinnar og þeirri þjónustu sem félagið veitir íbúum úr Garðabæ með fatlanir, þó starfsemi félagsins sé mest í Reykjavík. Styrkbeiðni félagsins verður afgreidd með öðrum styrkveitingum Garðabæjar í mars 2022 samkvæmt afgreiðslu fjárhagsáætlunar 2022.

Drög að útgjaldaliðum forvarnasjóðs 2022

Drög að útgjaldaliðum forvarnasjóðs 2022 voru lögð fram til kynningar.

Ferðastyrkur til Davíðs Freys Eiríkssonar kt.221103-2540 vegna U19 í blaki í Finnlandi 27. október 2021.

ÍTG samþykkir ferðastyrk kr. 20.000,- til Davíðs Freys Eiríkssonar kt.221103-2540 vegna U19 í blaki í Finnlandi 27. október 2021.

ÍTG fagnar áætlunum um stígagerð og tengingar milli Urriðaholts og íþrótta- og útivistarsvæða í nálægð við hverfið.