26. fundur

Stutt kynning á stöðu 3. áfanga Urriðaholtsskóla, íþróttahús og sundlaug. Egill Daði Gíslason af Umhverfissviði Garðabæjar.

Egill Daði Gíslason deildarstjóri umhverfis- og framkvæmda hjá Garðabæ fór yfir stöðu 3. áfanga Urriðaholtsskóla, íþróttahúss og sundlaugar sem nú er að fara í útboð.

Gunnhildur Yrsa Jónsdóttir kynnir stöðu verkefnisins "Íþróttir fyrir alla" sem er í gangi í Garðabæ fyrir einstaklinga með fatlanir. Verkefnið hlaut styrk sl. haust til að geta ráðið leiðbeinendur. Verkefnið er í samstarfi við Stjörnuna, íþróttafélagið Ösp í Reykjavík, KSÍ og ÍF.

Gunnhildur Yrsa Jónsdóttir kynnti stöðu verkefnisins "Íþróttir fyrir alla" sem er í gangi í Garðabæ fyrir einstaklinga með fatlanir. Verkefnið hlaut styrk sl. haust til að geta ráðið leiðbeinendur. Verkefnið er í samstarfi við Stjörnuna og íþróttafélagið Ösp í Reykjavík. Aldursdreifing iðkenda er frá 6 ára til 48 ára en flest eru 12 til 18 ára. Í byrjun voru þrír þátttakendur en við betri aðstöðu fyrir hópinn til að iðka knattspyrnu í Miðgarði og íþróttahúsi Sjálandsskóla hefur hópurinn vaxið upp í 40 iðkendur. Gunnhildur sagði stuðning ÍTG hafa skipt sköpum varðandi möguleikann á að ráða þjálfara og mæta fjölgun iðkenda.

Aðgerðaráætlun um Barnvænt samfélag (BVS) lögð fram til kynningar. Gunnar Richardsson starfsmaður nefndar um BVS í Garðabæ.

Gunnar Richardsson starfsmaður nefndar um BVS í Garðabæ fór yfir aðgerðaráætlun um Barnvænt samfélag. Í aðgerðaráætluninni er lögð áhersla á "Barnvænt hagsmunamat" við gerð áætlana eða framkvæmda. Einnig að börn og ungmenni fái upplýsingar í samræmi við aldur og þroska, og tækifæri til að endurmeta ákvarðanir.

Stefnt er á að skila af sér verkefninu til UNICEF í haust þannig að allar aðgerðir séu komnar í gang. Til þess þurfa allir aðilar sem eiga snertiflöt við aðgerðaráætlunina að leggja sig fram um að koma þessu í verk.

Lagt fram til kynningar.

Kynnt var dagskrá í tilefni 80 ára afmælis lýðveldisins.

Ferðastyrkur að upphæð kr. 20.000 til Þórdísar Unnar Bjarkadóttur vegna EM U21 í bogfimi í Króatíu 18.-25. febrúar 2024.

ÍTG samþykkir ferðastyrk að upphæð kr. 20.000 til Þórdísar Unnar Bjarkadóttur vegna EM U21 í bogfimi í Króatíu 18.-25. febrúar 2024.

Ferðastyrkur til Önnu Guðrúnar Yu Þórbergsdóttur að upphæð kr. 20.000 vegna EM U21 í bogfimi í Króatíu 18. til 25. febrúar 2024.

ÍTG samþykkir ferðastyrkur til Önnu Guðrúnar Yu Þórbergsdóttur að upphæð kr. 20.000 vegna EM U21 í bogfimi í Króatíu 18. til 25. febrúar 2024.