40. fundur

Halldór Valberg Skúlason, félagsforingi Skátafélagsins Svana og Jónatan Smári Svavarsson, verkfræðingur og skáti, mættu á fundinn og fóru yfir starf félagsins á Álftanesi og hugmyndir þeirra að „Mannlífsmiðstöð skáta á Álftanesi“.

Skátafélagið er í dag með aðstöðu á Bjarnastöðum en um 100 skátar á aldrinum 8 til 25 ára eru í félaginu. Gerðu þeir grein fyrir þeirri sýn skátanna að hafa jákvæð áhrif á einstaklinga í óvægnum heimi og hjálpa þeim að þroskast með því að fá ábyrgð og takast á við ögrandi verkefni í góðum hópi. Jafnframt gerðu þeir grein fyrir þeirri skoðun sinni að breytt þjóðfélag kalli á breyttar áherslur í skátastarfi og samstarf við aðra hópa óháð aldri.

Hugmyndir Skátafélagsins varðandi Mannlífsmiðstöðina er að hún verði staðsett vestan við íþróttavöllinn við Breiðumýri á sama stað og skátarnir höfðu áður aðstöðu. Horfa þeir til þess að um verði að ræða 300 -500 fm hús en þarfagreining og forhönnun mun leiða ljós endanlega stærð. Áætlun þeirra varðandi kostnað við undirbúning Mannlífsmiðstöðvar sem felst í þarfagreiningu, aðlögun á nærumhverfi, samtali við hagaðila, jarðvegskannanir, arkitekta- og verkfræðitekningar áamt verkefnastjórn hljóðar upp á 35-45 milljónir.

ÍTG lýsir yfir ánægju sinni með áherslur Skátafélagsins Svana og leggur til að málið verði skoðað nánar m.a. með tilliti til fjármögnunar.

Samantekt íþrótta-, tómstunda og forvarnarfulltrúa á nýtingu hvatapeninga 5-18 ára barna í Garðabæ liggur fyrir. Alls var úthlutað 137.032.405 krónum til 2804 einstaklinga af þeim 3648 sem rétt höfðu, eða 77%.

Íþrótta-, tómstunda- og forvarnafulltrúi lagði fram skýrslu um nýtingu hvatapeninga ársins 2021. Alls áttu 3648 börn rétt á að nýta sér hvatapeninga árið 2021, en þau voru 3629 árið 2020. Drengir voru 1842, stúlkur 1806 og stálp 1 (Hagstofa Íslands). Heildarúthlutun var 137.032.405,- kr. 2804 af 3648 börnum nýttu sér rétt sinn til hvatapeninga árið 2021, eða 77% sem er 4 prósentustigum meira en 2020. Nánar er fjallað um nýtinguna í skýrslunni.

Fylgiskjöl

• Skýrsla um nýtingu hvatapeninga í Garðabæ 2021.pdf

ÍTG fagnar að í könnuninni kemur fram aukin ánægja með aðstöðu til íþróttaiðkunar í bæjarfélaginu. Mikilvægt er að skoða niðurstöðurnar til að bæta þar sem óánægju gætir.

Lagt fram til kynningar.

Formaður upplýsti um stöðuna á skíðasvæðum höfuðborgarsvæðisins og útskýrði verkferla og verksvið samstarfsnefndarinnar samkvæmt samstarfssamningnum ásamt því að gera grein fyrir þjónustusamningi við ÍTR. Jafnframt upplýsti formaður um stöðuna varðandi uppbyggingu og framkvæmdir á skíðasvæðunum.

ÍTG samþykkir drög að þeim samstarfssamningi sem liggur fyrir.