10. fundur

Umsagnir foreldraráða og beiðni um flutning á skipulagsdegi.

Farið yfir umsagnir foreldraráða með leikskóladagatali veturinn 2015 - 2016. Athugasemdir bárust frá foreldraráði tveggja leikskóla um skipulagsdag sem er á miðvikudegi í október.$line$Benda þau á að betra sé að skipulagsdagar liggi að helgum.$line$Beiðni barst frá leikskólanum Sjálandi um flutning á einum skipulagsdegi vegna skoðunarferðar starfsmannahópsins erlendis. Jákvæð umsögn foreldraráðs fylgir beiðninni.$line$Einnig barst beiðni frá leikskólanum Sunnuhvoli um flutning á einum skipulagsdegi vegna skoðunarferðar starfsmannahópsins erlendis. Jákvæð umsögn foreldraráðs fylgir.$line$Leikskólanefnd samþykkir dagatalið.$line$Beiðnir leikskólanna einnig samþykktar en leikskólastjórum bent á að hafa víðtækt samráð við foreldra.

Ályktun fundar félags daggæslufulltrúa sem send verður mennta- og menningarmálaráðuneyti og velferðarráðuneyti lögð fram.

Ályktun fundar félags daggæslufulltrúa lögð fram. Daggæslufulltrúar benda á mikilvægi þess að breyting verði gerð á reglugerð um daggæslu í heimahúsi sem er orðin tíu ára gömul. Einnig benda þeir á að dvöl barna hjá dagforeldrum telst vera almennt úrræði en ekki félagslegt og varpa fram þeirri hugmynd að málaflokkurinn eigi frekar heima undir mennta- og menningarmálaráðuneytinu. Flest sveitarfélög hafa fært málaflokkinn undir fræðslumál. Í ályktunni eru talin upp nokkur atriði sem daggæslufulltrúar telja þurfi að breyta. Leikskólanefndin tekur undir með daggæslufulltrúum um að endurskoðunar sé þörf á reglugerðinni en að auknar kröfur til dagforeldra verði ekki íþyngjandi.

Kynning á starfsemi Krakkakots

1) Rætt um stöðuna á biðlista, en öll börn sem verða eins árs í september fá pláss á leikskóla í haust.$line$2) Hjördís G. Ólafsdóttir leikskólastjóri náttúruleikskólans Krakkakot kynnti nefndarmönnum starfsemi leikskólans og sýndi þeim húsnæði og lóð