6. fundur

Búið er að gera ráðningarsamning við Elínu Ósk Þorsteinsdóttur leikskólakennara. Hún mun taka að sér að stýra 5 ára leikskóladeild í Sjálandsskóla. Þar er gert ráð fyrir 40 barna einingu sem starfrækt verður frá 15. ágúst 2023. Um er að ræða tilraunaverkefni til eins árs.

Leikskólafulltrúi greindi frá nýstofnaðri leikskóladeild í Sjálandsskóla. Deildin verður fyrir 5 ára börn og leikskólastjóri verður Elín Ósk Þorsteinsdóttir. Deildin opnar 15. ágúst fyrir allt að 40 börn og megináherslan í starfinu verður lögð á félagsfærni, vináttu og samvinnu. Einnig verður útikennsla stór þáttur í starfsemi deildarinnar.

Farið yfir stöðu mála vegna verkfalls félaga í Starfsmannafélagi Garðabæjar. Starfsemi leikskóla er farin af stað með eðlilegum hætti.

Farið yfir stöðu mála vegna verkfalls starfsfólks í leikskólum sem er í Starfsmannafélagi Garðabæjar. Verkfalli var aflýst þann 10. júní og er starfsemi leikskóla er komin í eðlilegt horf. Áhrif verkfallsins hafði mismikil áhrif á starfsemi leikskóla bæjarins. Álitamál sem uppkomu í verkfallinu eru ennþá óleyst. Stjórnendur sýndu mikla útsjónarsemi og lögðu á sig talsverða vinnu við að skipuleggja opnun fyrir börn og starfsfólk. Verkfallið hafði mismikil áhrif á foreldra og leikskólabörn.

Kynning á stöðu innritunar í leikskóla

Í leikskólum Garðabæjar eru 1325 börn. Fyrsta úthlutun fyrir skólaárið 2023-24 fór fram í febrúar og fengu öll börn fædd árið 2021 úthlutað plássi í leikskólum Garðabæjar. Í þeirri úthlutun var leitast við að systkini færu í sama leikskóla. Í annarri úthlutun sem var í mars fengu börn sem fædd eru í janúar til júlí árið 2022 úthlutað leikskólaplássum. Í þriðju úthlutun sem fram fer í ágúst næst komandi verður þeim plássum úthlutað sem losna til dæmis vegna flutninga fjölskyldna. Í þeirri úthlutun er stefnt að því að börn fædd í ágúst 2022 fái boð um leikskólapláss en þau börn verða eins árs í sama mánuði.

Með tilkomu nýs leikskóla í Urriðaholti á nýju ári eykst framboð leikskólaplássa í Garðabæ. Þá er áætlað að hægt verði að mæta börnum sem fædd eru seinni hluta árs 2022 og í upphafi árs 2023 og bjóða þeim leikskólavist. Umræður voru um biðlistann og nefnt að hafa meira gegnsæi og aukið upplýsingaflæði til foreldra.