Endurnýjun samstarfssamnings

Nýr samsstarfssamningur var undirritaður við Stjörnuna nýverið. Samningurinn gildir frá 2019 til 2023.

Samsstarfssamningur bæjarins við Stjörnuna var lagúr fram til kynningar. Samningurinn er samræmdur öðrum samningum við félög og stefnur bæjarins.

Fylgiskjöl

• Samstarfssamningur - 2019 til 2023 lokadrög EBB.docx

Forstöðumaður fræðslu- og menningarsviðs gerði grein fyrir helstu áherslum og breytingum í endurnýjuðum samstarfssamningi Garðabæjar og Ungmennafélagsins Stjörnunnar.

Bæjarráð samþykkir samninginn með fjórum atkvæðum. (ÁHJ,GVG,AG,JS)

Sara Dögg Svanhildardóttir, situr hjá við afgreiðslu málsins og leggur fram eftirfarandi bókun.

"Garðabæjarlistinn leggst gegn því að ekki sé dregin fram skýr áhersla um aðgerðir um frekari útfærslur á systkinaafslætti sem og sértækar aðgerðir til að auka tækifæri fatlaðra barna til iðkunar íþrótta í samstarfsamningi Garðabæjar og UMF Stjörnunnar. Garðabær hefur undirritað sáttmála um Heilsueflandi samfélag og því vekur það furðu að ekki séu dregnar fram hvetjandi aðgerðir sem styðja við slíkan sáttmála með afgerandi hætti.
Garðabæjarlistinn leggur áherslu á mikilvægi þess að sveitarfélagið sýni frumkvæði og hvetji sérstaklega til þess að framsýni sé höfð að leiðarljósi í samningum sem þessum þar sem hvatt er sérstaklega til þess að ná enn lengra í þjónustu við börn og ungmenni með það að markmiði að tækifæri til íþróttaiðkunar gefist öllum börnum og ungmennum óháð efnahag eða annarrar stöðu.
Einnig telur Garðabæjarlistinn að mikilvægt sé að aðilar þ.e. sveitarfélagið og UMF Stjarnan sammælist í samningnum um að æfingagjöld hækki ekki umfram vísitölu á samningstímabilinu.
Garðabæjarlistinn situr því hjá við afgreiðslu samningsins."

Fylgiskjöl

• Samstarfssamningur - 2019 til 2023 lokadrög EBB.docx

Á fund bæjarráðs mættu Sigurður Bjarnason, formaður Stjörnunnar og Ása Inga Þorsteinsdóttir, framkvæmdastjóri. Gerðu þau grein fyrir starfsemi félagsins, stefnumótun til lengri tíma og árangri af styrkveitingu til þróunarverkefnis. Þá gerðu þau grein fyrir reglum um úthlutun afreksstyrkja til deilda.

Bæjarráð vísar málinu til bæjarstjóra.

Bæjarfulltrúarnir Björg Fenger og Harpa Þorsteinsdóttir sátu fund bæjarráðs undir þessum dagskrárlið.

Forstöðumaður fræðslu- og menningarsviðs gerði grein fyrir viðræðum við fulltrúa Stjörnunnar um endurnýjun samstarfsamnings.

Bæjarráð samþykkir að boða fulltrúa Stjörnunnar á fund bæjarráðs til að kynna framgangs þróunarverkefnis sem styrkt var sérstaklega undanfarin tvö ár í þeim tilgangi að efla starfsemina og bjóða upp á aukna möguleika fyrir iðkendur og minnka líkur á brottfalli.

Fylgiskjöl

• samstarfssamningur Garðabæjar og Stjörnunnar -AIÞ.pdf