Fjárhagsaðstoð - þróunarvinna

Minnisblað vegna fjárhagsaðstoðar lagt fram til kynningar.

Minnisblað vegna fjárhagsaðstoðar lagt fram. Velferðarráð gerir ekki athugasemdir við fyrirhugað verklag.

Almar Guðmundsson, gerði grein fyrir tillögu að breytingu á 8. gr. reglna um fjárhagsaðstoð en tillaga er um að greinin hljóði svo:

"Fjárhagsaðstoð er ekki veitt aftur í tímann nema veigamikil rök mæli með því.
Með umsókn um fjárhagsaðstoð aftur í tímann skal fylgja ítarlegur rökstuðningur sem styður hvers vegna umsækjanda hafi verið ómögulegt að sækja um í þeim mánuði sem umsókn aftur í tímann tekur til. Einnig skulu fylgja gögn, s.s. læknisvottorð, því til stuðnings. Fjárhagsaðstoð er aldrei skylt að veita lengra aftur í tímann en 4 mánuði frá því að umsókn er lögð fram sbr. 3. mgr. 21. gr. laga um félagsþjónustu sveitarfélaga nr. 40/1991 og verður skilyrðum reglna þessara fyrir fjárhagsaðstoð að vera fullnægt allt það tímabil sem sótt er um."

Tillaga um breytingu á reglum um fjárhagsaðstoð samþykkt samhljóða.

Bæjarráð vísar tillögunni til afgreiðslu bæjarstjórnar.

Lagðar eru fyrir ráðið breytingartillögur á 8. gr. reglna um fjárhagsaðstoð í Garðabæ varðandi skilyrði greiðslu fjárhagsaðstoðar aftur í tímann.

Teknar eru fyrir breytingartillögur á 8. gr. reglna um fjárhagsaðstoð í Garðabæ varðandi skilyrði greiðslu fjárhagsaðstoðar aftur í tímann. Fjölskylduráð fjallar um drögin og gerir ekki athugasemdir. Samþykkt er af hálfu fjölskylduráðs að leggja drögin fyrir bæjarráð og bæjarstjórn til afgreiðslu.