Umsagnarbeiðni vegna umsóknar Tré lífsins um starfsemi bálstofu.

Bæjarráð gerir ekki athugasemdir við að Tré lífsins- bálstofa og Minningargarðar ses. fái leyfi fyrir starfsemi bálstofu í fyrirhuguðum kirkjugarði í Rjúpnadal.

Bæjarráð vísar í þessu sambandi til bókunar á fundi sínum 27. apríl 2021 þar sem tekið var fyrir erindi félagsins um lóð fyrir bálstofu og höfuðstöðva í Rjúpnadal..

„Bæjarráð tekur jákvætt í erindi og felur bæjarstjóra að ganga til viðræðna um samning varðandi úthlutun lóðar fyrir starfsemi bálstofu og höfuðstöðva félagsins í Rjúpnadal.“

Samkvæmt deiliskipulagi fyrir Rjúpnadal sem samþykkt var í bæjarstjórn 19. nóvember 2020 er gert ráð fyrir kirkjugarði og lóð fyrir bálstofu innan skipulagsreitsins. Skipulagið hefur ekki verið staðfest með auglýsingu í B-deild Stjórnartíðinda. Á þessu stigi hafa ekki verið teknar neinar ákvarðanir um starfsemi kirkjugarðs á svæðinu eða samningar um ráðstöfun lóðar fyrir bálstofu.